Gordon namumurong sipain sa Lacson-Sotto team

May posibilidad na tanggalin din sa senatorial ticket ng tambalang Lacson-Sotto si reelectionist Senator Richard Gordon.

Ito’y matapos na makatanggap ng ulat sina Partido Reporma presidential candidate Senador Panfilo Lacson at running mate Senate President Vicente `Tito’ Sotto III na nag-eendoro diumano si Gordon ng ibang kandidato bukod sa kanila.

“There were reports… I don’t know, we have not validated it because merong nag-inform lang sa amin na si Senator Gordon, openly endorsed other candidates. So, we’re validating it,” pahayag ni Lacson sa isang press conference sa Quezon City noong Miyerkoles.

Hindi dumalo si Gordon sa proclamation rally ng Lacson-Sotto team sa Imus Cavite noong Martes subalit sumama naman ito sa kampanya nina presidential candidate Leni Robredo at running mate Senador Francis Pangilinan sa Naga City. Guest candidate ng Robredo-Pangilinan tandem si Gordon.

Sabi ni Lacson, walang problema kung dumalo ang mga senatorial candidate nila sa kampanya ng ibang kandidato kung saan sila ay guest candidate subalit hindi umano iendorso ang mga ito.

“If he indeed endorsed another team, another tandem, well, we will have to validate it muna. Kasi mahirap umasa sa report lang na hindi validated. Kakausapin namin siya kung ano ba talaga ‘yung nasaloobin niya,” sabi ni Lacson.

“We understand that, ano. But ‘yung openly endorsing other presidential and vice-presidential candidates, ibang usapan ‘yon. So once na mag-endorse sila ng either another presidential or vice-presidential candidate openly, ibang usapan. Tatanggalin naming,” pahayag pa ni Lacson. (Dindo Matining)

The post Gordon namumurong sipain sa Lacson-Sotto team first appeared on Abante Tonite.