Naaresto ng mga tauhan ng Nueva Ecija Police Provincial Office (NEPPO) ang isa umanong hitman ng Teves Terrorist Group at Most Wanted Person mula Negros Oriental nitong Huwebes sa Brgy. Sta Catalina, Talugtug, Nueva Ecija.
Sa ulat ni PCapt. Emiliano Jalova sa tanggapan ni PCol. Richard Caballero, NEPPO director, kinilala ang naaresto na si Richard Namoco Quadra, 45, residente ng Brgy Milagrosa, Sta Catalina, Negros Oriental at miyembro umano ng Arnolfo Teves Terrorist Group.
Katuwang umano nina PCapt. Jalova ang Regional Intelligence Unit 3, Provincial Intelligence Team- Nueva Ecija, RIU 7, PIT, Negros Oriental, Regional Intelligence Division 7, PIU/SOG, Negros Oriental PPO, Criminal Investigation Division, Intelligence Group, TSD IG, 91st Infantry Battalion, 71D PA, 1st PMFC-NOPPO, PPDEU-NEPPO and 2nd PMFC-NEPPO nang isagawa ang pag-aresto kay Quadra na namasukan bilang poultry helper.
Nakunan ito ng isang caliber 9MM, na may magazine na naglalaman ng 14 bala.
Nahaharap sina Quadra at 5 iba pa kasama ang napatalsik sa Kamara na si Congressman Arnolfo Teves sa mga kasong murder sa Negros Oriental noong 2019.
Nitong Hulyo 26, 2023, idineklara ng Anti-terrorism Council ang Teves Group bilang mga terorista. (Jojo De Guzman)
The post `Hitman’ ni Teves nakalawit first appeared on Abante Tonite.
0 Comments