Kinalampag ng isang kongresista ang kabiguan pa rin umano ng Department of Social Welfare and Development (DSWD) na sugpuin ang problema sa money laundering ng mga social welfare service providers dahilan upang mapasama ang bansa sa tinatawag na “gray list” sa global financial transactions.
Iginiit ni Bagong Henerasyon party-list Rep. Bernadette Herrera na kabilang umano ang DSWD sa listahan na mga ahensiyang dapat na kumilos upang resolbahin ang problema sa money laundering.
Nakakabahala umano na ang social welfare services ay ginagamit bilang panakip ng mga kriminal na isang napakalaking panlilinlang.
Tinukoy ni Herrera ang mga non-government organization na nagsisilbi umanong social welfare service entities.
“What this means is some non-governmental social welfare service entities (NGOs) are suspected of having financial links to criminal activities,” hinala pa ni Herrera.
Dahil na rin dito, ayon kay Herrera, kailangan magpaliwanag ang DSWD kung ano ang mga ginagawa nitong aksyon upang labanan ang money laundering.
Ayon kay Herrera, hihilingin nila sa DSWD sa isang executive session sa Kamara na idetalye kung ano ang mga ginagawa ng ahensiya upang labanan ang money laundering at financing ng mga institusyon na mandato ng DSWD na i-regulate.
“We want DSWD to tell what they need from Congress for their anti-money laundering measures. They probably need an office staffed with financial audit and cybercrime specialists. They probably need a database with useful data,” dagdag ni Herrera.
(Eralyn Prado)
The post DSWD inalarma sa money laundering first appeared on Abante Tonite.
0 Comments