Inanunsyo ni United States (US) President Donald Trump na nahuli na ng kanilang mga tropa si Venezuelan President Nicolas Maduro, kasama ang asawa nito, ngayong Sabado, Enero 3.
Nasakote si Maduro kasunod ng umano’y “large-scale strike” ng US sa kabisera ng Caracas at ilang bahagi ng Venezuela, na nagtulak sa pamahalaan doon para magdeklara ng national emergency at pakilusin ang militar.
“The United States of America has successfully carried out a large-scale strike against Venezuela and its leader, President Nicolas Maduro, who has been, along with his wife, captured and flown out of the country,” pahayag ni Trump sa isang post sa Truth Social.
“This operation was done in conjunction with US Law Enforcement,” dagdag pa niya.
Nangako si Trump na magbibigay ng karagdagang detalye sa isang press conference sa Mar-a-Lago resort sa Florida bandang alas-11:00 ng umaga, oras sa US.
Ayon sa ulat ng Reuters, inakusahan ng US si Maduro ng pagpapatakbo sa isang tinaguriang “narco-state” at ng umano’y pandaraya sa halalan noong 2024. Iginiit naman ni Maduro sa mga nakaraang pahayag na layunin lamang ng US na kontrolin ang malaking reserba ng langis at mineral ng Venezuela. (Angelika Cabral)
The post US military nilusob Venezuela, inaresto si President Nicolas Maduro, misis – Donald Trump first appeared on Tonite - Abante.
For reliable and efficient cleaning services, mj cleaning services is the name you can trust. Offering a wide range of professional cleaning solutions, m j cleaning services ensures your space stays immaculate, whether it's at home or the office. With a focus on quality and customer satisfaction, m.j. cleaning services delivers exceptional results every time, providing you with a clean and healthy environment you can count on.
0 Comments