Congressman Charlie Cojuangco, China Jocson hold betrothal ceremony in Tarlac

Nagkaroon ng formal engagement sa pagitan nina Tarlac First District Representative Carlos "Charlie" Cojuangco at kanyang kasintahang si China Jocson. 

Si Charlie ay bunsong anak ng yumaong negosyanteng si Eduardo "Danding" Cojuangco Jr.

Si China ay isang crisis management strategist na dating assistant to the presidential spokesperson. 

Ginanap ang kanilang betrothal ceremony sa Josemaria Escriva Shrine sa Gerona, Tarlac noong December 29, 2020. 

Ang betrothal ceremony ay isang optional traditional rite sa Simbahang Katoliko, kunsaan may basbas ng pari ang pangako ng isang couple na nais nilang magpakasal at magsama habambuhay. 

Bahagi ng ceremony ang pagbabasbas sa dalang matching rings nina Charlie at China. 

PHOTO: Tarlac Press Corps

CHARLIE COJUANGCO'S IN-LAWS

Si Charlie ay matagal nang nabalo mula nang pumanaw ang asawa nitong aktres na si Rio Diaz noong 2004. 

Ngayon lang daw naramdaman muli ng kongresista ang pagnanais na maikasal muli. 

Sinasabing may basbas ng in-laws ni Charlie ang engagement nito kay China. 

Sa katunayan, dumalo sa okasyon si Miss Universe 1969 Gloria Diaz, ang nakatatandang kapatid ng yumaong si Rio. 

Sandaling nagtanggal ng masks ang couple (center front) para sa souvenir photo sa simbahan. Kasama nila si Gloria Diaz (left, second row) na kapatid ng yumaong Rio Diaz. PHOTO: Tarlac Press Corps

intimate betrothal party

Pagkatapos ng simpleng betrothal ceremony ay nagkaroon din ng munting salu-salo kasama ang ilang mga kapamilya at kaibigan ng couple. 

PHOTO: Tarlac Press Corps

Kabilang ang aktres na si Ana Roces (first row, pangalawa sa kaliwa) sa mga namataang guests sa intimate betrothal nina Charlie at China. 

Malapit na kaibigan ni China si Ana. 

Newly engaged Charlie Cojuangco and China Jocson together with Ana Roces and her husband Atty. Bertrand Baterina. PHOTO: @ana_roces Instagram

Dumalo rin sa party si Gloria. 

PHOTO: Tarlac Press Corps

SHOWBIZ HISTORY TRIVIA

Tila nakarelasyon noon ni Charlie Cojuangco si Megastar Sharon Cuneta. 

Noong February 2018, naikuwento ni Sharon na muntik na siyang ma-engage sa isang "Cojuangco" bago niya naging karelasyon at napangasawa si Senator Francis "Kiko" Pangilinan. 

Ang isa pang clue na binanggit ni Sharon ay may initial na "C" ang tinutukoy niyang personalidad kaya hinihinalang si Charlie Cojuangco ang kanyang pinatutungkulan. 

[ArticleReco:{"articles":["155874","155867","155873","155864"], "widget":"Hot Stories"}]

Isa ka bang showbiz fan na laging updated at naghahanap ng latest chika? Share what you know. Join here! https://bit.ly/PEPChika