Rayver Cruz reacts to girlfriend Janine Gutierrez's ABS-CBN transfer

Ipinakita ni Rayver Cruz ang kanyang pagiging supportive boyfriend kay Janine Gutierrez matapos lumipat ng TV network ang aktres.

Idinaan ni Rayver saw Twitter ang mensahe sa girlfriend matapos pumirma ng kontrata si Janine sa ABS-CBN nitong Biyernes, January 15, 2021. 

“Soar high my love, will always be your number one fan [smiling face, raising hands, clapping hands, heart emojis]"

Sinimulan ni Janine ang kanyang showbiz career noong 2012 bilang contract artist ng GMA-7.

Si Rayver naman ay dating Kapamilya artist na lumipat sa GMA-7 noong September 2018.

Halos dalawang dekada ring namalagi si Rayver sa ABS-CBN bago nagdesisyong bumalik sa GMA-7, kung saan siya nagsimula bilang child actor noong mid-'90s.

Samantala, nakipagbiruan pa ang mga nakababatang kapatid ni Janine na sina Jessica at Maxine kay Rayver dahil sa tweet nito sa girlfriend.

Narito ang biruan ni Rayver sa mga kapatid ni Janine:

Nag-react din si Rayver sa Instagram post ni Ramon Christopher, ang ama ni Janina.

Sa kanyang post, binati ni Ramon Christopher ang anak "on a new chapter... bilang isang kapamilya."

Bumati rin si Janno Gibbs at si Martin Nievera, na nangako pang aalagaan niya si Janine sa bakuran ng ABS-CBN.  

Nagkomento naman si Rayver ng smiling face with hearts emojis, bilang indikasyon ng kasiyahan at pagsuporta sa career move ng girlfriend.

KAPAMILYA, KAPUSO ARTISTS CONGRATULATE JANINE

Sunud-sunod din ang pagbati kay Janine ng mga kapwa niya artista mula sa ABS-CBN at GMA-7.

“Can’t wait to work with you,” mensahe ng Kapamilya actress na si Angelica Panganiban.

Bumati rin ang iba pang Kapamilya stars kagaya nina Iza Calzado, Enchong Dee, Isabelle Daza, Ria Atayde, at Jaya.

Naging supportive din sa paglipat ni Janine ang Kapuso celebrities gaya nina Carla Abellana, Lovi Poe, Mark Herras, at Tanya Garcia.

Mensahe pa ni Chynna Ortaleza: “Yahooness!!!! Get those juicy parts that challenge & thrill the mind. Congrats Nin!”  

[ArticleReco:{"articles":["156134","156129","156128","156124"], "widget":"Hot Stories"}]

Isa ka bang showbiz fan na laging updated at naghahanap ng latest chika? Share what you know. Join here! https://bit.ly/PEPChika