Wala nang buhay nang matagpuan sa kanyang tulugan ang isang company driver na mahimbing na natutulog sa Malabon City kahapon.
Kinilala ang biktima na si Roy Marco, 54-anyos, stay-in driver sa Governor Pascual, Brgy. Potrero ng lungsod.
Bandang alas-3:00 ng madaling-araw nang madiskubre ng kanyang kasamahan na si Teofilo Casipong, 56, si Marco.
Kuwento ni Casipong, ginising niya ang kasamahan dahil lagi raw itong nagpapagising sa kanya tuwing madaling-araw para sa pagpasok sa trabaho.
Subalit kahit anong yugyog daw niya kay Marco ay hindi na ito nagising hanggang sa makupirma niya na wala na itong buhay.
Sabi ni Casipong, nagkuwentuhan pa raw sila ng alas-11:00 ng gabi bago sila matulog at nakita pa niya ang biktima na nahiga na sa folding bed.
May posibilidad na inatake sa puso si Marco habang mahimbing na natutulog dahil wala naman umanong palatandaan na sinadya ang pagpatay rito. (Orlan Linde)
0 Comments