Maaari nang makapasok sa Israel ang mga Pilipino at iba pang dayuhang turista kung kumpleto na ang kanilang bakuna kontra COVID-19 at naturukan ng second dose nito sa nakaraang anim na buwan.
“On the 1st of November this week, we opened for vaccinated tourists so anybody who is vaccinated can visit Israel. Filipinos are now welcome to visit Israel,” ani Israeli Ambassador to the Philippines Ilan Fluss sa panayam ng Philippine News Agency.
Ayon kay Fluss, puwedeng mamasyal sa Israel ang mga turista kahit mag-isa lang o grupo sila subalit pinayuhan ang mga ito na alamin muna ang mga panuntunan at kinakailangang gawin bago mag-book ng kanilang flight at tour package.
Kailangan din aniya ng negatibong RT-PCR test result, isa pang swab test pagdating sa Paliparan at mandatory quarantine habang hinihintay ang resulta ng swab test ng turista.
The post Bakunadong turista galing PH puwede sa Israel first appeared on Abante Tonite.
0 Comments