Pitong miyembro ng Sangguniang Panlalawigan ang sinampahan ng kaso ni Capiz Governor Esteban Contreras sa Office of the President dahil sa umano’y pagsabotahe ng COVID-19 response program ng lalawigan.
Ang pito ay sina Provincial Board Members Jonathan Besa, Enrique Martin, Weldie Apolinario Jr., Thea Faith Reyes, Mateo Hachuela, Philippine Councilors League provincial federation president at ex-officio member Mitchelle John Patricio, at Sangguniang Kabataan provincial federation president at ex-officio member Renzo Teves.
Inakusahan sila ng grave abuse, gross negligence, at gross misconduct na may parusang pagkakasibak sa serbisyo at pagkakadiskwalipika sa paghawak sa alinmang posisyon sa gobyerno.
Sa isang 16-pahinang reklamo, sinaad ni Contreras na nabigo ang provincial board na aprubahan ang supplemental budget para sa Roxas Memorial Provincial Hospital (RMPH) dahil sa pagtutol ng mga kasapi ng board.
Ang RMPH, na kinilala ng Department of Health dahil sa residency training programs at COVID response at management nito, ay sinasabing na-mismanage at naging lungga ng mga “ghost employee”.
Hiniling ng gobernador sa Malacañang na siyasatin ang mga board member batay sa Section 60 ng Republic Act 7160 o ang Local Government Code. (Prince Golez)
The post 7 Capiz board member kinasuhan ni gov first appeared on Abante Tonite.
0 Comments