Vice inurot si Chie kay Dawn

NI: ARCHIE LIAO

Sa latest episode ng It’s Showtime, pinagtripan ni Vice Ganda ang Showtime Sexy Babe judge na si Chie Filomeno.

Inokray kasi ng komedyante ang dating PBB housemate tungkol sa ex Girltrend co-member nitong si Dawn Chang.

Sumentro ang joke ni Vice sa kantang Love Me Like You Do na nag-viral nang sayawin nina Dawn at Hashtags member Zeus Collins noon.

Pang-uurot ni Vice: “Sinasayaw ni Chie ‘yon, Chie paano ba ‘yan.”

Mabilis namang itinanggi ito ng nabanggit na model ng isang liquor brand.

“Hindi ako ‘yun, iba ‘yun,” giit ni Chie.

Inintriga pa si Vice si Chie sa pagsasabing di nito bet ang sayaw ni Dawn.

“Grabe si Chie, ayaw sayawin ‘yung sayaw ni Dawn Chang,” hirit ni Vice.

Matatandaang dati nang may alitan noon sina Chie at Dawn na muling nabuhay.

Hinuhulaan na si Dawn umano ang pinatamaan ni Chie sa post na karma is real.

Naging kontrobersyal naman si Dawn nang paalalahanan niya ang housemates sa kanyang tweet na ang PBB ay hindi isang pabebe contest at lalong hindi isang retreat na feeling ng mga mahadera ay isang pasaring umano kay Chie.

The post Vice inurot si Chie kay Dawn first appeared on Abante Tonite.