Swak sa All-Rookie team, Scoring Champion of the season at Order of Merit si Mikey Williams ng TNT sa 2022 PBA Press Corps Awards Night sa Novotel Manila Araneta Center sa Quezon City sa Hunyo 21.
Kasama ng Tropang Giga Fil-Am guard sa ARt sina Jamie Malonzo ng NorthPort, Calvin Oftana ng NLEX, Leonard Santillan ng Rain or Shine at Joshua Munzon ng Terrafirma, samantalang sa OOM ay sina Ian Sangalang ng Magnolia, Matthew Wright ng Phoenix at Robert Bolick ng NorthPort.
Nakatakda pang pangalanan ang Virgilio ‘Baby’ Dalupan Coach of the Year, Danny Floro Executive of the Year, Defensive Player of the Year, Mr. Quality Minutes, Bogs Adornado Comeback Player of the Year, at Game of the Season.
Unang face-to-face event ito sa tatlong taon ng organisasyong pinamumunuan ni Gerry Ramos ng Spin.ph at binubuo ng mga ginoo at binibini na regular na kumo-cover ng pro league. (Gerard Arce)
The post Williams bida sa awards night first appeared on Abante Tonite.
0 Comments