Pinagpag na ni Press Secretary Trixie Cruz-Angeles ang mga dating opisyal at kawani ng ilang tanggapan sa Presidential Communications Operations Office (PCOO) na kapit-tuko pa rin sa puwesto.
Naglabas si Angeles ng Department Order No. 22-04 na nag-aatas sa istriktong pagsunod sa Memorandum Circular No. 1 na inisyu ni Executive Secretary Victor Rodriguez matapos makarating sa kanyang pansin na may ilang opisyal at kawani mula sa mga tanggapang nasa ilalim ng PCOO na tumatanggi pa rin umanong lisanin ang kanilang opisina.
“It has come to the attention of the PCOO Secretary that some officials of attached agencies and bureaus refuse to vacate their positions pursuant to MC No.1, s,2022. Now, Therefore, in consideration of the foregoing strict compliance of the MC no. 1, the officials and employees are ordered to immediately vacate their positions in the PCOO, its attached agencies, offices and bureaus,” anang Department Order ni Angeles.
Pirmado ni Sec. Trixie Cruz-Angeles ang kautusan, ika-4 ng Hulyo, 2022. (Aileen Taliping)
The post Mga kapit-tuko sa PCOO pinagpag ni Sec Angeles first appeared on Abante Tonite.
0 Comments