Bumawi sina Jayson Tatum at Jaylen Brown sa Game 3 ng 78th NBA 2023-24 Eastern Conference semis inambus ng Boston Celtics ang Cavaliers sa Cleveland 106-93 Sabado ng gabi sa Rocket Mortgage Fieldhouse tungo sa 2-1 lead.
Natambakan ng 24 sa sarili nilang parquet floor ang No. 1-seeded Celtics noong Game 2, rumesbak ng 33 points si Tatum at sinegundahan ng 28 ni Brown.
“We don’t come to Cleveland for the weather, so let’s go,” bida ni Brown na 13 of 17 sa field. “There’s nothing complicated about it: Play defense and the rest will take care of itself.”
Kinumpleto ni Tatum ang three-point play at inumpisahan ng C’s ang second half sa 14 straight points tungo sa 71-48 lead. Hindi na nakabalik ang Cavs.
“We felt like trying to punch them in the face right away was the right option,” dagdag ni Jrue Holiday, nilista sa first half ang 15 sa kanyang 18 points para sa Boston.
Umiskor ng 33 si Donovan Mitchell pero lumala ang iniinda nang left knee injury sa fourth quarter. Abante ng 13 ang Boston ay nilabas na siya ng Cleveland 1:19 pa at dumiretso sa locker room.
Naka-23 na si Mitchell sa first half, tinapos ang laro na may anim na 3-pointers.
May 17 points si Evan Mobley, tig-15 sina Caris LeVert at Darius Garland sa Cavs na hosts muli ng Game 4 sa Martes (araw sa Manila).
Tatlong beses inilapit ng Cleveland sa siyam sa final period, napigil ang huling comeback nang sumagot ng back-to-back 3s sina Payton Pritchard at Derrick White. (Vladi Eduarte)
0 Comments