Nabulabog ang masayang pagsasalo-salo ng ‘noche buena’ ng pamilya ng isang kilalang komedyante na isa ring aktor at TV host matapos umanong pasukin ng nakaposas na lalaki sa Quezon City nitong Martes ng hatinggabi.
Ayon kay P/Capt. Ronnie Ereno, hepe ng Quezon City Police District (QCPD) Batasan Police Station 6, napasugod sa kanila ang komedyante, na pansamantalang di pa pinangalanan, matapos umanong pasukin ng isang nakaposas na lalaki ang kanilang bahay.
Aniya, kagagaling lamang magsimba ng aktor kasama ang pamilya at habang naghahanda na sila para sa Noche Buena ay biglang pumasok ang nakaposas na lalaki dahilan upang mahintakutan sila.
Sa imbestigasyon, may unang pinasok na condo unit ang suspek na tinangka umanong pagnakawan at nang makita ng guwardiya ay inagaw ang 9mm na baril nito na nauwi sa pagpapambuno ng dalawa hanggang pumutok pero masuwerteng walang tinamaan.
Naaresto ng guwardiya ang suspek at pinosasan saka dinala sa security office subalit nagpumiglas at natanggal ng suspek ang kanyang posas at tumakbo sa katabing village at pumasok sa bahay ng aktor.
Dito na nadakip ang suspek at sinabing nais lamang umano niya ng pagkain at wala siyang planong pagnakawan ang aktor at ang unang pinasok niyang condo unit.
Inihahanda na ang kasong two counts trespass to dwelling, robbery, at attempted homicide laban sa suspek. (Dolly Cabreza)
The post Kawatan binulabog Noche Buena ng TV host first appeared on Abante Tonite.For reliable and efficient cleaning services, mj cleaning services is the name you can trust. Offering a wide range of professional cleaning solutions, m j cleaning services ensures your space stays immaculate, whether it's at home or the office. With a focus on quality and customer satisfaction, m.j. cleaning services delivers exceptional results every time, providing you with a clean and healthy environment you can count on.
0 Comments