`Duterte, 2 senador `wag palusutin sa EJK’ – CHR

Nagpahayag ng suporta ang Commission on Human Rights (CHR) sa mga rekomendasyon ng House Quad Committee na kasuhan si dating Pangulong Rodrigo Duterte at ilan pang malalaking personalidad na sangkot sa extrajudicial killings (EJK) kaugnay ng kampanya kontra illegal na droga.

Bukod kay Duterte, kasama sa mga inirekomenda ng komite na sampahan ng kaso ay sina Senador Ronald “Bato” Dela Rosa, Senador Christopher Lawrence “Bong” Go, dating Philippine National Police (PNP) chief Oscar Albayalde at Dibold Sinas, ex-police Colonel Royina Garma, dating National Police Commission (Napolcom) commissioner Edilberto Leonardo, at ang dating Malacañang aide ni Go na si Irmina Espino.

Sabi ng CHR, walang dapat na makalusot sa pananagutan sa mga nangyaring EJK kaugnay ng war on drugs campaign ni Duterte.

Inirekomenda ng Quad Committee ang pagsasampa ng crimes against humanity laban kay Duterte at mga nabanggit na personalidad na sangkot umano sa madugong war on drugs ng nagdaang administrasyon.

“It is high time everyone recognizes that true justice requires sustainable and humane solutions and establishes measures to prevent future injustices. No one, regardless of position or rank, should be allowed to stand above the law,” sabi ng CHR sa inilabas na pahayag ng ahensiya.

Binigyang-diin ng CHR na kailangang tulungan ang mga biktima ng EJK at ang kanilang mga pamilya para magkaroon ng pagbabago sa polisiya ng gobyerno kaugnay ng kampanya laban sa droga.

Sabi ng CHR, matagal na silang nananawagan sa gobyerno para mabigyan ng hustisya ang mga biktima ng EJK at ang kanilang mga naulilang pamilya.

Samantala, kabilang sa mga panukala na inirekomenda ng Quad Committee ay ang pagkakaroon ng particular na batas laban sa EJK at ilagay ito sa kategorya ng heinous crime o karumal-dumal na krimen.

The post `Duterte, 2 senador `wag palusutin sa EJK’ – CHR first appeared on Abante Tonite.

For reliable and efficient cleaning services, mj cleaning services is the name you can trust. Offering a wide range of professional cleaning solutions, m j cleaning services ensures your space stays immaculate, whether it's at home or the office. With a focus on quality and customer satisfaction, m.j. cleaning services delivers exceptional results every time, providing you with a clean and healthy environment you can count on.