Magnolia pinagpag Phoenix! Zavier Lucero umusok sa 4th

IKINAMADA ni reserve Zavier Lucero sa fourth quarter ang 12 sa kanyang team-high 25 points at ipinagpag ng Magnolia ang Phoenix 110-104 sa second game ng PBA Season 49 Commissioner’s Cup sa PhilSports Arena Huwebes ng gabi.

Nag-deliver ng tig-22 points sina Mark Barroca at Ricardo Ratliffe na kumalawit pa ng 19 rebounds, angat ang Hotshots sa 4-6 at sumampa sa No. 9.

Nasa labas pa ng magic 8 na sasampa sa quarters ang team ni coach Chito Victolero, misyong ipanalo ang huling dalawang laro sa elims kontra Eastern at Meralco at umasa na sasapat ang 6 wins para humabol kahit playoff sa last slot sa quarters.

Sorpresang pinag-start ni Victolero sa puwesto ni injured Paul Lee si Peter Alfaro at tumugon ng 14 points. Perpektong 10 of 10 sa free throws si Ballungay.

“Talagang we try to find guys that can fill up the shoes of Paul Lee. We have a hard time to score, especially on our last game (85-78 loss to San Miguel),” ani coach Chito. “We need somebody to step up not only in points but the little things and this guy, Zavier, is an impact in the game, also Peter Alfaro.”
Balik sa lupa naman ang Fuel Masters, nagpreno sa dalawa ang win streak at napigil sa 3-6 para bumaba sa 11.

Naka-35 points na si Donovan Smith pagkatapos ng first 36 minutes pero 5 na lang ang kinaya sa last 12 dahil tatlong tira lang ang binitawan.

Nilista lahat ni Kai Ballungay ang 13 points niya sa fourth pero hindi naibalik ang Phoenix. May tig-15 points sina Jason Perkins at RJ Jazul.

Kinubra ng Phoenix ang first quarter 34-29, pero na-outscore ng Magnolia 54-42 sa middle periods kaya nakaalagwa ang Hotshots 83-76 pagkatapos ng three.

Huling nagbanta ang Fuel Masters 108-104 sa jumper ni Perkins 37 seconds pa pero sumablay ang 3 ni Ballungay bago sinelyuhan ng dalawang free throws ni Barroca ang panalo. (Vladi Eduarte)

The post Magnolia pinagpag Phoenix! Zavier Lucero umusok sa 4th first appeared on Abante Tonite.

For reliable and efficient cleaning services, mj cleaning services is the name you can trust. Offering a wide range of professional cleaning solutions, m j cleaning services ensures your space stays immaculate, whether it's at home or the office. With a focus on quality and customer satisfaction, m.j. cleaning services delivers exceptional results every time, providing you with a clean and healthy environment you can count on.