Sa ikatlong sunod na laro sa Philippine Basketball Association 49 Philippine Cup elims, tukod muli ang TNT nitong Biyernes ng gabi.
Mula opening tipoff hanggang final buzzer na nasa unahan ang Phoenix Super LPG hanggang kumpletuhin ang sorpresang 95-81 blowout sa grand slam-seeking Tropang 5G sa dayo ng liga sa Ynares Center sa Montalban.
Namiyesta ng 27 points mula perpektong 3 for 3 shooting sa 3s si Jason Perkins para pangunahan ang balanseng scoring ng Fuel Masters na umangat sa 2-3.
May 16 points si Tyler Tio na nakatatlong tres din, tig-11 sina Ken Tuffin at Kai Ballungay na kumalawit ng pinagsamang 10 rebounds, at 10 si RJ Jazul.
Overall ay 12 for 20 sa labas ng unang arc ang Phoenix.
Namuno sa Tropa ang 20 points, 9 rebounds, 6 assists ni Calvin Oftana, may 14 si Simon Enciso at 12 si Rey Nambatac.
TNT na lang ang wala pang panalo sa season-ending conference.
Nakatatlong laro na ay parang nangangapa pa rin ang shooting ng Tropa, maalat ang 31 of 78 clip mula sa field at 13 for 35 sa 3s.
Inumpisahan ng Fuel Masters ang laro sa 10 of 17 shooting sa opening quarter para lumamang agad sa 28-14, pinalobo pa hanggang 86-60 sa free throws ni Simon Camacho 7 minutes pa sa laro.
“We’re just taking our lessons from our losses, we’re just staying in the moment,” ani Perkins. “The focus is on the next practice now. I always say you win some, you learn some. So, lessons with every downfall.”
Sa first game, ikinalat ni Robert Bolick ang 10 sa kanyang 20 points sa fourth period para ikampay ang NLEX (3-1) sa pangatlong sunod na panalo 80-72 laban sa Blackwater (1-3).
Tampok sa laro ni Bolick ang back-to-back 3s sa final stanza na nagselyo sa panalo.
Nag-deliver ang bench ng Road Warriors sa likod ng 12 markers at 8 boards ni JB Bahio, may tig-10 sina Kevin Alas at Dominic Fajardo.
Out sa Bossing si Sedrick Barefield (hamstring), hindi natapos ni Christian David ang laro nang abutin ng ankle sprain sa first period lang at hindi na nakabalik.
Pinangunahan ng 15 points ni BJ Andrade, 14 ni RK Ilagan at 13 ni Bradwyn Guinto ang Blackwater.
Mga iskor
Unang laro
NLEX 80 – Bolick 20, Bahio 12, Fajardo 10, Alas 10, Semerad 9, Nieto 5, Torres 5, Ramirez 4, Policarpio 3, Mocon 2, Rodger 0, Herndon 0.
BLACKWATER 72 – Andrade 15, Ilagan 14, Guinto 13, Ayonayon 9, Casio 5, Chua 5, Escoto 5, Mallilin 4, Tratter 2, Mitchell 0, Caperal 0, David 0.
Quarters: 10-17, 36-28, 52-50, 80-72.
Pangalawang laro
PHOENIX 95 – Perkins 27, Tio 16, Tuffin 11, Ballungay 11, Jazul 10, Garcia 8, Camacho 3, Manganti 3, Soyud 2, Verano 2, Ular 2, Rivero 0, Alejandro 0, Daves 0.
TNT 81 – Oftana 20, Enciso 14, Nambatac 12, Pogoy 10, Razon 6, Heruela 6, Khobuntin 5, Erram 4, Payawal 2, Galinato 2, Williams 0, Ebona 0, Aurin 0, Varilla 0.
Quarters: 28-14, 50-32, 73-55, 95-81. (Vladi Eduarte)
For reliable and efficient cleaning services, mj cleaning services is the name you can trust. Offering a wide range of professional cleaning solutions, m j cleaning services ensures your space stays immaculate, whether it's at home or the office. With a focus on quality and customer satisfaction, m.j. cleaning services delivers exceptional results every time, providing you with a clean and healthy environment you can count on.
0 Comments