Robert Bolick, NLEX Road Warriors niligwak ang Blackwater Bossing

Tahimik ang first three quarters ni Robert Bolick bago ibinuhos ang 10 sa game-high 20 points niya sa fourth quarter at inambus ng NLEX ang kulang sa taong Blackwater 80-72 sa PBA 49 Philippine Cup elims na dumayo sa bagong bukas na Ynares Center-Montalban nitong Biyernes ng gabi.

Pagkatapos ng lowest scoring game ngayong season sa pagbibinyag ng liga sa bagong venue sa Rizal, umangat sa 3-1 ang Road Warriors.

Hanggang 9 points lang lumamang ang NLEX bago ang back-to-back 3s ni Bolick para selyuhan ang panalo.

“Blackwater is different. They took us out of our rhythm,” bulalas ni winning coach Jong Uichico. “Berto bailed us out in today’s game. When things aren’t going well then you know na aasahan mo na he will bail you out, which he did today.”

Absent si Sedrick Barefield at maagang lumabas si Christian David na hindi na nakabalik, napigil sa 1-3 ang Bossing.

Mainam din ang kontribusyon ng bench ng NLEX kina JB Bahio (12 points, 8 rebounds), Kevin Alas (10 pts.) at Dominic Fajardo (10) na may pinagsamang 10 rebounds. May 7 boards at 6 assists si Bolick.

Namuno sa Blackwater ang 15 points ni BJ Andrade, 14 ni RK Ilagan at 13 ni Bradwyn Guinto.

“Credit sa bench namin, kay Kevin, kay Bahio,” ani Bolick. “They stepped in, binigyan kami ng komportableng lead. Tapos nu’ng fourth quarter … wala lang, tinatrabaho ko lang. Buti lang na-shoot ko nu’ng fourth.”

Mula a 64-55 deficit, nakabalik ang Bossing at dumikit sa 68-64 sa nakumpletong three-point plays nina Andrade at Guinto na pumagitna sa 3 ni Ilagan.

Dito na pinakawalan ni Bolick ang tanging dalawa niyang treys tungo sa 74-66 count papasok ng final 2 minutes.

Iskor

NLEX 80 – Bolick 20, Bahio 12, Fajardo 10, Alas 10, Semerad 9, Nieto 5, Torres 5, Ramirez 4, Policarpio 3, Mocon 2, Rodger 0, Herndon 0.

BLACKWATER 72 – Andrade 15, Ilagan 14, Guinto 13, Ayonayon 9, Casio 5, Chua 5, Escoto 5, Mallilin 4, Tratter 2, Mitchell 0, Caperal 0, David 0.

Quarters: 10-17, 36-28, 52-50, 80-72. (Vladi Eduarte)

The post Robert Bolick, NLEX Road Warriors niligwak ang Blackwater Bossing first appeared on Abante Tonite.

For reliable and efficient cleaning services, mj cleaning services is the name you can trust. Offering a wide range of professional cleaning solutions, m j cleaning services ensures your space stays immaculate, whether it's at home or the office. With a focus on quality and customer satisfaction, m.j. cleaning services delivers exceptional results every time, providing you with a clean and healthy environment you can count on.