Sa likod ng vintage performance ni Rafi Reavis sa paint na sinabayan ng 24 points ni Zavier Lucero, ipinagpag ng Magnolia ang TNT 88-83 sa pagtatapos ng kani-kanilang eliminations campaign sa PBA 49 Philippine Cup nitong Biyernes ng gabi sa Ninoy Aquino Stadium.
Mahalaga ang 4 points ni Reavis na nilista sa fourth quarter, galing offensive end ang 4 sa 6 rebounds, may 1 steal at 1 block sa extended minutes na umabot ng 12:11.
Ayon kay chief statistician Fidel Mangonon III, naging 14th player din si Reavis, 47, sa kasaysayan ng PBA na kumalawit ng 5,000 career rebounds.
May palamuti pang 8 rebounds, 5 assists, 3 steals si Lucero, nag-ambag ng 13 markers si William Navarro at 11-6-4 kay Mark Barroca.
Naka-9 points si Ian Sangalang, tumapos si Paul Lee ng 7 points, 7 assists.
Nakawala mula sa back-to-back losses, kinolekta ng Hotshots ang eighth win sa 11 games para maniguro ng puwesto sa top four na win-once sa quarterfinals.
Naiwan hanggang 30-21 ang Magnolia, inagaw ang unahan 49-46 sa halftime at 69-66 pagkatapos ng third frame bago pinabuka 79-66 sa fourth period ng pukpukang larong tinampukan ng 6 deadlocks at 9 lead changes.
“‘Yun ‘yung mentality namin, eh, from the preparation. I want them to feel the playoff atmosphere,” ani coach Chito Victolero sa postgame presser. “I trust my players whenever our backs are against the wall, or do-or-die games, I trust the guys na they will perform on their very best.”
Nadalawahang sunod ang Tropang 5G at tinapos ang elims sa 6-5, nasa last eight na pero nakargahan ng handicap na twice-to-win laban sa first four.
Pasok na rin sa playoffs ang NLEX (8-3), San Miguel (7-3), Ginebra (7-3), Converge (7-4), Rain or Shine (6-4) at Meralco (6-5).
Malalaman ang final seeding ‘pag natapos ang huling araw ng elims sa Linggo (June 15), pagtutuos ng SMB-NorthPort at Gin Kings-Elasto Painters matchups sa Ynares-Antipolo.
Limang players ng TNT ang nagsumite ng 10 pataas sa pangunguna ng 18 ni RR Pogoy at 15 ni Calvin Oftana. May 12 markers, 9 boards si Poy Erram pero nabulabog sa 6 turnovers, umayuda ng 12 points si Jordan Heading.
Nagkasa ng 10-2 run ang Tropa tampok ang 4-pointer ni Pogoy para ilapit sa 86-83 pero naubusan na ng oras. Sinelyuhan ng free throws ni Lucero ang final tally.
Sa first game, sa likod ng career-highs nina Jason Perkins (39 points) at Ken Tuffin (29 points) ay tinapos din ng Phoenix ang eliminations campaign sa bisa ng 124-109 win laban sa Blackwater.
Humablot pa ng 14 rebounds si Tuffin, may 14 points at 9 assists si Tyler Tio at 14 markers, 14 boards si Kai Ballungay.
Sa likod ng pinagsamang 41 points nina Perkins at Tuffin sa first half ay pumasok sa break ang Phoenix na abante 65-48, pinamaga pa hanggang 78-53 sa bukana ng third quarter.
Natapos sa 4-7 ang conference record ng Fuel Masters, nasa 9th place sa unahan ng NorthPort (2-8), Bossing (2-9) at Terrafirma (1-10).
Pumiga ang Blackwater ng 20 points kay Richard Escoto, 18 kay RK Ilagan at 13 si Sedrick Barefield, pero nagkasya lang sa 2 of 7 shooting tungo sa 8 points si Christian David. (Vladi Eduarte)
The post Rafi Reavis, Magnolia swak sa quarters win-once vs TNT first appeared on Abante Tonite.For reliable and efficient cleaning services, mj cleaning services is the name you can trust. Offering a wide range of professional cleaning solutions, m j cleaning services ensures your space stays immaculate, whether it's at home or the office. With a focus on quality and customer satisfaction, m.j. cleaning services delivers exceptional results every time, providing you with a clean and healthy environment you can count on.
0 Comments