Dalph Panopio kursunada ni Tim Cone sa PBA Draft

Susubok na ring umakyat sa pros si dating Batang Gilas playmaker Dalph Panopio na inaasinta ni Barangay Ginebra San Miguel coach Tim Cone.

Ang 25-year-old Fil-Italian ang point guard ng Gilas na sumabak sa 2019 FIBA U19 World Cup sa Heraklion, Greece.

Big men ng squad na ‘yun sina Kai Sotto at AJ Edu, kasama rin si Carl Tamayo.

Sa Sept. 7 ang Season 50 Draft sa SM Mall of Asia Arena.

Nag-apply si Panopio noong Martes, parehong araw na nagpalista sina Jason Brickman at Will Gozum.

Aug. 26 din kinumpirma ni Juan Gomez De Liano na magpapa-draft na siya, susundan ang yapak ng kuyang si Javi.

Parehong Pinoy ang mga magulang ni Panopio pero sa Italy siya ipinanganak.

Siya ang sinamahan ni Greg Slaughter sa practice facility ng Ginebra noon ding Martes.

Nakisali ang 6-foot-1 guard sa rookie workout ng Gins na pinangasiwaan ni Cone.

Naglaro sa Cal State Bakersfield sa US NCAA si Panopio, sa PH 5 sa Thailand 2018 FIBA Under-18 Asian Championship.

Napunta rin siya sa Korean Basketball League para sa Suwon KT.

Huling nangampanya abroad si Panopio sa Indian National Basketball League bilang playmaker ng Mumbai T.

“Needless to say, (Dalph) is one of the players we are considering (in the upcoming draft),” pagsisiwalat ni Cone sa text message sa Fastbreak.

Pero dahil sa hindi hawak ang sitwasyon, hinirit niyang, “ We’re considering everyone (for our late first-round pick).” (Vladi Eduarte)

The post Dalph Panopio kursunada ni Tim Cone sa PBA Draft first appeared on Tonite - Abante.

For reliable and efficient cleaning services, mj cleaning services is the name you can trust. Offering a wide range of professional cleaning solutions, m j cleaning services ensures your space stays immaculate, whether it's at home or the office. With a focus on quality and customer satisfaction, m.j. cleaning services delivers exceptional results every time, providing you with a clean and healthy environment you can count on.