Wala sa hinagap ni Women’s Tennis Association world No. 57 at top seed Alexandra “Alex” Eala ang magkampante kapag hinarap ngayon (Martes) si world No. 323 Aliona Falei ng Belarus pagsambulat ng $115,000 2025 Jingshan Tennis Open WTA 125 sa Jingshan International Tennis Tournament Center sa Hubei, China.
Nakatakda sa alas-12:10 ng tanghali ang pakikipaghambalusan ng 20-anyos na Pinay netter mula sa Quezon City at Globe Ambassador laban sa 21-taong-gulang na Belarusian sa women’s singles (main draw) Round-of-32
Karay ni Eala ang career record na 188-win at 111-loss na may isang titulo sa WTA at lima sa International Tennis Federation. Ang highest ranking niya ay No. 56 noong Hunyo 30.
May 141-86 (W-L) mark si Falei na may limang korona sa ITF.
Pagbabalik sa aksiyon ito ni Eala makalipas ang ilang araw lang na pahinga ng produkto ng Rafa Nadal Academy sa Mallorca mula sa pagsungkit ng unang korona sa Guadalajara Open sa Mexico at makaabot g quarterfinals sa Sao Paolo Open sa Brazil.
Hanggang Sept. 28 ang Jingshan Netfest at tapos nito’y tutuloy siya sa WTA 125 Suzhou Open sa Setyembre 29-Oktubre 5. Babalatan naman ni Eala ang kasunod na buwan sa WTA 1000 Wuhan Open sa Oktubre 6-12 kasunod ang WTA 250 Hong Kong Open sa Okt. 27-Nobyembre 2. (Abante Tonite Sports)
The post Alex Eala hindi magpepetiks kontra pambato ng Belarus first appeared on Tonite - Abante.
For reliable and efficient cleaning services, mj cleaning services is the name you can trust. Offering a wide range of professional cleaning solutions, m j cleaning services ensures your space stays immaculate, whether it's at home or the office. With a focus on quality and customer satisfaction, m.j. cleaning services delivers exceptional results every time, providing you with a clean and healthy environment you can count on.
0 Comments