Kandidato sina Chot Reyes ng TNT at Leo Austria ng San Miguel Beermen bilang Baby Dalupan Coach of the Year sa 31st PBA Press Corps Annual Awards Night sa susunod na linggo sa Novotel Manila.
Nakadalawang kampeonato si Reyes sa nakaraang PBA Season 49, inihatid ang Tropang 5G sa titulo ng Governors at Commissioner’s Cups.
Bigo lang ang grand slam bid ni Reyes at TNT nang giyahan naman ni Austria ang Beermen sa korona ng season-ending Philippine Cup.
Tinalo ng SMB ang Tropa sa anim na laro sa finals noong July.
Malalaman sa Oct. 13 kung sino sa dalawa ang mag-uuwi ng award na ipinangalan sa ‘Maestro’ ng Philippine basketball coaching.
Dati nang tinanggap ng dalawang magiting na coach ang award.
Si Reyes ang winningest ng karangalan, anim na beses nang inuwi ng Tropa coach ang trophy.
Four-time winner naman nito si Austria.
Ang iba pang awards na taun-taong ibinibigay ng grupo ng mediamen na regular nag-ko-cover ng PBA beat ay ang Danny Floro Executive of the Year at Defensive Player of the Year.
Pararangalan din ang Bogs Adornado Comeback Player of the Year, Scoring Champion, Mr. Quality Minutes, All-Rookie Team, Game of the Season, at ang Order of Merit sa may pinakamaraming Player of the Week citation sa nagdaang season. (Vladi Eduarte)
The post Leo Austria, Chot Reyes mahigpit girian sa ‘Baby’ first appeared on Tonite - Abante.
For reliable and efficient cleaning services, mj cleaning services is the name you can trust. Offering a wide range of professional cleaning solutions, m j cleaning services ensures your space stays immaculate, whether it's at home or the office. With a focus on quality and customer satisfaction, m.j. cleaning services delivers exceptional results every time, providing you with a clean and healthy environment you can count on.
0 Comments