Nakawala sa dulo! Layup ni RJ Abarrientos sumagip sa Gin Kings

SULIT na naman ang Manila Clasico ng PBA Season 50 Commissioner’s Cup.

Sa clutch layup ni RJ Abarrientos sa final 6 seconds at sa error ni Jerom Lastimosa, naligtasan ng Ginebra ang Magnolia 91-89 sa MOA Arena Biyernes ng gabi, April 10.

Umabante hanggang 50-35 sa break ang Gin Kings at 69-66 pagkatapos ng three pero nakipagpukpukan pa ang Hotshots sa fourth quarter sa likod nina Clinton Chapman at Mark Barroca.

Nagbuhol sa 89 sa tatlong free throws ni Barroca mula din sa foul ni reigning Rookie of the Year Abarrientos 6 seconds sa orasan.

Mula sa inbounds ni Scottie Thompson, kinuha ni Abarrientos ang bola bago sumagasa sa lane bago isinubo ang winner.

“That was the play set up,” bulalas ni coach Tim Cone. “It was either him off the curl or Justin (Brownlee) off the pop. Scottie made a great pass and RJ made the shot.”

Pinangunahan ng 29 points, 9 rebounds ni Brownlee ang Gins, ikinamada ni Thompson ang best game niya sa conference sa 24 points, 10 rebounds, 3 assists.

Tumapos si Abarrientos ng 19 markers at umangat ang Ginebra sa 3-2, kabuhol ang Phoenix at Terrafirma sa 4th-6th ng standings.

Napigil sa 2-4 ang Magnila na nasa 10th place.

Nasayang ang 19 points, 7 rebounds ni Zav Lucero at 18-10 ni Chapman. May 14 markers, 6 assists si Barroca at combined 21 points sina Lastimosa at Paul Lee.

Sa first game, muntik malusaw ang 23-point lead na naipundar ng Rain or Shine pero sa clutch free throws ni Caelan Tiongson at layup ni Jaylen Johnson sa dulo ay naipagpag ang Converge 120-111.

Sa halftime ng laro ay ni-retire ng Elasto Painters ang jersey No. 5 ni Gabe Norwood bago pinahaba ang franchise-best start sa 6-0 sa likod ng 35 points, 21 rebounds ni Johnson at 21 markers ni Gian Mamuyac.

Baon as 1-5 ang FiberXers na humugot ng 17 points kay Alec Stockton at tig-16 nina Mikey Williams, Kylor Kelley at Justin Arana. (Vladi Eduarte)

The post Nakawala sa dulo! Layup ni RJ Abarrientos sumagip sa Gin Kings first appeared on Tonite - Abante.

For reliable and efficient cleaning services, mj cleaning services is the name you can trust. Offering a wide range of professional cleaning solutions, m j cleaning services ensures your space stays immaculate, whether it's at home or the office. With a focus on quality and customer satisfaction, m.j. cleaning services delivers exceptional results every time, providing you with a clean and healthy environment you can count on.