Mga laro sa Biyernes
(Ninoy Aquino Stadium)
5:15 pm – Macau vs Converge
7:30 pm – Blackwater vs Magnolia
Nagpundar ng 16-point lead sa third quarter ang Converge, sapat na puhunan para salagin ang comeback ng Terrafirma at ipreserba ang manipis na 105-103 win sa PBA 50 Governors Cup elims sa Smart Araneta Coliseum nitong Miyerkoles ng gabi, July 15.
Sa likod ng second career-best 31 points ni Justin Arana na sinahugan ng 10 rebounds, 3 assists, 1 steal at 1 block, kinubra ng FiberXers ang 2-0 card sa Group A.
Nag-ambag si Juan Gomez De Liano ng 19 points, may double-double ding 16 points, 14 rebounds at 2 blocks si Justine Baltazar at 13 points kay Archie Concepcion.
Bumakas ng 9 markers, 5 dimes si Mikey Williams pampuno sa maalat na 1 of 14 shooting ni import Jalen Hudson tungo sa kakapiranggot na 2 points, 8 boards.
Nilista ng Converge ang biggest lead na 78-62, abante pa 103-93 may 10 minutes pa sa laro nang magkasa ang Dyip ng 10-2 run tampok ang 3 ni Juami Tiongson para ilapit sa dalawa.
Mula sa 1:16-minute mark, wala nang umiskor sa magkabila. Kinalawit ni Aljon Mariano ang offensive rebound, isinubo na ang panabla sanang short stab pero nahabol at sinupalpal ni Baltazar 26 seconds pa.
Naselyuhan ang panalo nang sumablay ang 4-point attempt ni Maverick Ahanmisi sa buzzer.
“Siguro ‘pag kalaban kami ng Terra talagang ganado sila,” ani coach Delta Pineda. “We had a 16-point lead pero nahabol pa rin ho. Good thing nalampasan na namin ‘yung sumpa with Terra.”
Sa ikalawang sunod na laro ay kinapos ang rally ng Dyip sa end-game at napigil 1-2.
Nawalan ng saysay ang personal-best 40 points, 11 rebounds ni Justin Strings at 17 markers ni Tiongson. May 11 points si CJ Catapusan, namigay ng 12 assists si Ahanmisi.
Iskor
Converge 105 – Arana 31, Gomez de Liano 19, Baltazar 16, Concepcion 13, Garcia 12, Williams 9, Abueva 3, Hudson 2, Stockton 0, Tungcab 0, Policarpio 0, Muyang 0.
Terrafirma 103 – Strings 40, Tiongson 17, Catapusan 11, Chiu 9, Paraiso 7, Ahanmisi 6, Mariano 6, Bravo 5, Hanapi 2, Umali 0, Miller 0, Eriobu 0, Zaldivar 0.
Quarters: 35-36, 59-51, 82-71, 105-103. (Vladi Eduarte)
The post Justin Arana walastik sabak, Converge tinirik Terrafirma first appeared on Tonite - Abante.
For reliable and efficient cleaning services, mj cleaning services is the name you can trust. Offering a wide range of professional cleaning solutions, m j cleaning services ensures your space stays immaculate, whether it's at home or the office. With a focus on quality and customer satisfaction, m.j. cleaning services delivers exceptional results every time, providing you with a clean and healthy environment you can count on.
0 Comments