Dalawa sana ang “Sharon” sa showbiz kung hindi binigyan ng screen name na “Vina Morales” ang baguhang singer noon na si Sharon Magdayao.
Ang isa pang “Sharon” ay ang Megastar na si Sharon Cuneta.
Ipinanganak si Vina noong October 17, 1975 sa Bogo, Cebu.
Ang kanyang mga magulang ay sina Enrique Magdayao at Deanna Rose Garcia Magdayao.
Ang mga kapatid niya ay sina Sheila Magdayao-Moreno, Sheryll Magdayao, at ang aktres ding si Shaina Magdayao.
Nag-aral siya sa Bogo Central School 2 mula Grade 1 until Grade 3. Sa Immaculate Concepcion Parish School sa Quezon City siya nagtapos ng elementarya, at nag-aral until second year high shool.
For her third and fourth year in high school, homeschooled na si Vina.
Hindi na siya nakapag-kolehiyo dahil sa kanyang pagiging abala sa showbiz.
VINA MORALES' CAREER
Nagsimula ang singing career ni Vina sa choir ng Saint Vincent Ferrer Parish Church sa kanyang bayang sinilangan sa edad na 9.
Ang paring si Father Fritz T. Malinao, na isa ring music composer, ang nakadiskubre sa talento ni Vina.
Pinakiusapan niya ang batang Vina na kantahin ang kanyang kinumpose na kanta para sa 6th Cebu Pop Music Festival taong 1986.
Kinanta ni Vina ang “Paglaum," na ang ibig sabihin ay hope o pag-asa, sa pinakamatagal na singing competition sa Cebu City.
Ang kuwento niya sa PEP.ph (Philippine Entertainment Portal), “I used to sing in a church choir when I was 9 years old and a priest, Father Fritz Malinao, who writes music, saw my potential.
“So he wrote an original song 'Paglaum,' means hope, and sent the song to 6th Cebu Pop Music Festival.
“This is like Manila Pop, all original songs for singing competition, I was 9 and other competitors are all adults.
“I became one of the 12 contestants for the contest, and I won the grand prize and the Best Interpreter in the professional category.”
Napanood daw ng namayapang si Mina Aragon at Viva Entertainment big boss Vic del Rosario ang kanyang performance.
Saad niya, “Mama Mina and Tito Vic del Rosario of Viva Films saw my video and decided to give me an opportunity to be a singer and an actress.
“Dun na nagsimula ang lahat ng mga blessings.”
VINA MORALES' SCREEN NAME, MOVIE, AND SINGING CAREER
Dahil sa pagpirma ni Vina ng kontrata sa Viva, lumuwas ang kaniyang buong pamilya sa Manila upang dito na manirahan.
Paano nga ba nabuo ang kanyang screen name?
Ang sabi ng 45-year-old star, “Mama Mina and Tito Vic gave me the name of their daughter Vina Vanessa del Rosario who passed away and we were the same age.
“Then they chose a last name na babagay sa name na 'Vina.'
“One of the choices ng last name was Moreno, Vina Moreno but they both choose Morales, it sounded better.”
Ang film debut ni Vina ay ang Nakagapos na Puso kasama ang Megastar noong taong 1986.
At ito rin daw ang hindi niya makakalimutang pelikula.
Lahad niya, “My first movie Nakagapos na Puso with Ate Sharon Cuneta.
“She is my fave and it was a dream come true to work with her.”
Ang ilan pa sa kanyang mga de kalibreng pelikula ay ang Anghel na Walang Langit, The Sarah Balabagan Story, at Ang Utol Kong Hoodlum.
Ang launching album naman niya sa Viva Records ay may titulong Vina.
Hindi rin matatawaran ang galing ni Vina sa concert stage kaya naman tinagurian din siyang "Ultimate Showgirl."
Ang ilan sa mga hindi makakalimutan niyang concerts ay ang Vina: Revealed, Vina’s Hot, at Vina@Thirty.
VINA MORALES FELL IN LOVE WITH ROBIN PADILLA
Ang pinaka-kontrobersiyal na relasyon ni Vina ay ang sa kanila ng action star na si Robin Padilla.
Nagkadebelopan ang dalawa sa set noon ng Ang Utol Kong Hoodlum taong 1991.
Sorpresang naging blockbuster sa takilya ang nasabing pelikula at mainit na tinanggap ng mga tao ang kanilang tambalan.
Kuwento ni Vina, niligaw-ligawan na raw siya ni Robin noon sa set pero hindi pa daw niya ito sinagot.
Hanggang sa magkaroon ng sequel ang pelikula, ang Miss Na Miss Kita (Ang Utol Kong Hoodlum II) noong 1992.
Dito na raw siya todong niligawan ng aktor.
Hanggang sa sinagot na niya ito.
Pero, marami ang tutol sa kanilang relasyon noon kabilang na ang kaniyang mga kapamilya.
Nitong taong 2019, habang nagpu-promote ng kinabibilangang pelikulang Damaso, inalala ni Vina ang kanyang kabaliwan noon kay Robin na para bang sa karakter niyang Sisa sa movie.
Si Padre Damaso at ang baliw na si Sisa ay mga karakter sa nobelang Noli Me Tangere ng ating Pambansang Bayani na si Dr. Jose P. Rizal.
Kuwento niya, “Very clear to me, medyo matagal na—yung first boyfriend ko na si Robin. Yun ang naalala ko na sobra kong ewan.
“Yung daddy ko, e, wala nang magawa sa akin. Si Mama Mina, e, walang nagawa noong 18th birthday ko.
“Dapat may iba akong escort, e, that time, hindi ako tinantanan ni Robin kaya siya ang naging escort ko sa 18th birthday ko sa party ko. Naging Sisa naman si Mama Mina sa akin!”
Dagdag ni Vina, “Of course, I had other relationships din naman na naging ganun din ang sitwasyon, but not as clear na naaalala ko na parang feeling ko, gumuho ang mundo ko.
“Kasi, ganun naman yata kapag first boyfriend mo, di ba? Saka magulo yun, Robin Padilla. Yun ang mga naging Sisa ko sa pag-ibig."
Napakarami nang pinagdaanan ni Vina, pero walang nakahigit sa karanasan niya kay Robin?
“Parang siguro, oo, kasi yun ang mga naalala ko. I had problems with my family.
"Kasi, wala na silang magawa, naloka-loka na ako. Si Mama Mina, si Tito Vic.”
Ano ang pinakamatinding nagawa niya na nagpaka-Sisa o baliw-baliwan siya kay Robin?
“Oh my God! Kasi, noong generation ni Robin noon, parang lahat, nagiging Sisa.
"Yun ang peak ni Robin, di ba?
“Parang lahat yata, na-in love sa kanya. Yung mga leading ladies niya, isa na ako roon.
“I’ve learned to be strong and mabait naman talaga si Robin.
"Kung paano siya makisama sa mga katrabaho niya. Sa cast, staff, crew, kung paano siya makisama, yun ang nakita ko.
“And napaka-down-to-earth niya, he’s really humble. At yung pagmamahal niya sa trabaho niya, yun naman ang mga good lesson na nakuha ko.”
Sa ngayon, may isa ng anak na babae si Vina, si Ceana, sa dating nakarelasyon na non-showbiz guy na si Cedric Lee.
View this post on Instagram
Umaasa naman daw siya na makakahanap din siya ng tamang lalaki sa darating na panahon.
Aniya, “In God’s time, mas gaganda na ang love life ko, I claim it and amen to that.”
Naging mabuti na rin silang magkaibigan ni Robin na may sarili na ring pamilya.
Sa kasalukuyan, magkasama ang dalawa sa sitcom ng Net-25 na Kesaya-saya.
VINA MORALES' BUSINESS
Marami na ring negosyo sa ngayon si Vina. Isa na nga rito ang matagumpay na salon business nila, ang Ystilo Salon.
View this post on Instagram
Kuwento niya, “We have 21 branches of Ystilo Salon now, we are grateful na maski may pandemic we are surviving.”
Kakabukas lang din ng kanyang food business, ang Inday Beena’s Best.
View this post on Instagram
Sabi niya, “Due to pandemic, I was able to open a new business, Inday Beena’s Best Products.
“Ako mismo ang gumagawa ng Sukang Binisaya, lahat ng products namin is made with love. Available siya for distributorship.
“I am also coming up with a new business partnering with Renegade Branding concept and Ayannah Company called MONEYSENT.”
AWARDS AND RECOGNITIONS
Dalawa na mga awards ang maituturing ni Vina na mahalaga sa kanyang buhay.
Ang isa sa mga ito ay ang Awit Awards noong 2000 para sa kanyang album na No Limits.
Pero, ang hindi talaga niya malilimutang award para sa kanyang karera ay ang panalo niya mula sa IKON Asean music competition noong 2007.
Siya ang kauna-unang winner sa nasabing kumpetisyon.
Ang IKON Asean ay isang regional music competition para sa mga professional singers at banda na deserving na magkaroon ng mas malawak na pagkilala sa Southeast Asia.
Kabilang sa mga bansang kasali dito ay ang Malaysia, Indonesia, at Pilipinas.
Kuwento pa ni Vina sa PEP.ph (Philippine Entertainment Portal) noong August 2007, “I am proud to be the first Ikon winner sa category soloist.
"I'm very proud to bring the trophy to our country. Hindi ko ma-explain ‘yung nararamdaman ko. It was a mixed emotion.
"Before the competition, I was very nervous. Kasi siyempre, big risk yun sa isang katulad ko who has been in the business for a long time.
"You're talking about professionals here. Lahat kami may sariling album.
"Marami na kaming napatunayan in this industry. It's a big risk kung hindi ka ma-appreciate ng judge.
"Good thing I won the hearts of the judges, at the same time the Malaysian people and the Indonesian people.”
VINA MORALES' SECRET TO SUCCESS
Masasabing mula noon hanggang ngayon ay nanatiling andiyan ang pangalang Vina Morales pagdating sa pagkanta at pag-arte.
Payo niya sa mga nais magtagal sa industriya, “Be humble always and respect all your co-workers.”
Para naman sa mga nais magtagumpay sa negosyo: “Patience and courage. Maging masipag at huwag mang-isa sa kapwa.
“And to always include God in all your businesses.”
ALBUMS
1990
- Vina (Viva Records)
1992
- Forbidden (Viva Records)
1993
- Best of Vina (Viva Records)
1994
- Pag Katabi Kita (Viva Records)
1995
- Easy To Love (OctoArts EMI)
1996
- Look at Me Now (OctoArts EMI)
1998
- All That I Want (OctoArts EMI)
1999
- No Limits (OctoArts EMI)
2001
- Total Control (OctoArts EMI)
2002
- Reflections (OctoArts EMI)
2004
- Mamahalin Ka Niya (Star Music)
2006
- Vina: Silver Series (Viva Records)
2010
- Awit ng Ating Buhay (Star Music)
2016
- Vina Morales (30th Anniversary Album)” (Star Music)
MOVIES
1986
- Nakagapos na Puso
- Captain Barbell
1987
- Kung Aagawin Mo ang Lahat sa Akin
1988
- Kumander Bawang: Kalaban ng mga Aswang
1989
- Ang Lahat ng Ito Pati na ang Langit
- Bondying: The Little Big Boy
- Bakit Iisa Lamang ang Puso
- Abot Hanggang Sukdulan
- Estudyante Blues
- Wooly Booly: Ang Classmate Kong Alien
1990
- Tootsie Wootsie: Ang Bandang Walang Atrasan
- Petrang Kabayo 2: Anong Ganda Mo! Mukha Kang Kabayo
- Teacher’s Enemy No. 1
- Wooly Booly 2: Ang Titser Kong Alien
1991
- Ang Utol Kong Hoodlum
- Maging Sino Ka Man
- Alyas Batman en Robin
- Darna
1992
- Miss Na Miss Kita (Utol Kong Hoodlum II)
1993
- Hanggang Saan, Hanggang Kailan
- Sala sa Init, Sala sa Lamig
- Sana’y Ikaw Na Nga
1994
- Kadenang Bulaklak
- Ang Pagbabalik ni Pedro Penduko
- Pinagbiyak na Bunga: Lookalayk
- The Untold Story: Vizconde Massacre II – May the Lord be with Us!
- Anghel na Walang Langit
1995
- Grepor Butch Belgica Story
- Campus Girls
- Love Notes
- The Floor Contemplacion Story
- Huwag Mong Isuko Ang Laban
1996
- April Boys: Sana’y Mahalin Mo Rin Ako
- Wag na Wag Kang Lalayo
1997
- Lab en Kisses
- The Sarah Balabagan Story
1999
- ‘Di Puwedeng Hindi Puwede!
- Ako’y Iibigin Mo… Lalaking Matapang
- Ang Boyfriend Kong Pari
2000
- Eto Na Naman Ako
- Sagot Kita Mula Ulo Hanggang Paa
2014
- Bonifacio: Ang Unang Pangulo
2019
- Damaso
TV SHOWS
1987-1996
- That’s Entertainment
1993-1995
- Vina
1996-1997
- Lyra
1997-1999
- SOP
2000
- Codename: Verano
2001-2019
- ASAP
2003
- Darating Ang Umaga
- 2007 Maria Flordeluna
2010
- May Bukas Pa
- Agua Bendita
2011-2012
- Star Circle Quest: The Search for the Next Kiddie Superstar
- Nasaan Ka Elisa?
2013-2014
- May Isang Pangarap
- Maria Mercedes
2015
- Nasaan Ka Nang Kailangan Kita
2016
- Born For You
2018
- Precious Hearts Romances Presents: Araw Gabi
2019
- Sandugo
2020
- Tagisan ng Galing
- Kesaya-saya
[ArticleReco:{"articles":["154839","153753","153679","152132"], "widget":"Hot Stories"}]
Isa ka bang showbiz fan na laging updated at naghahanap ng latest chika? Share what you know. Join here! https://bit.ly/PEPChika
0 Comments