Napasubo si Bea Alonzo na amining si Dominic Roque ang nasa kanyang "last Facetime video."
Ito ay matapos hamunin ni Bea ang best friend na si Enchong Dee na sila ay maglaro ng "show me your phone" challenge.
Bumisita kasi si Enchong sa bahay ni Bea.
Nang tingnan ni Enchong ang mobile phone ni Bea, inusisa niya kung sino ang "Nic" sa last call log ng aktres.
"Facetime, Nic," simpleng saad ni Bea. Ang Facetime ay isang video call app.
Tanong ni Enchong, "Sino si Nic?"
Iwas muna ni Bea, "Secret!" Sabay pag-amin din niya, "Hindi, si Dominic 'yan."
Base sa vlog, nag-flash ang litrato ni Dominic Roque na siyang tinutukoy raw ni Bea.
Natatawang binawi ulit ni Bea ang kanyang sinabi sa pamamagitan ng pagbitiw ng apelyidong "Ochoa." Nais niyang palabasin na si Dominic Ochoa ang tinutukoy niya.
Pero hindi napigilan ni Bea ang matawa dahil sa tila panlalaglag niya sa sarili tungkol sa pagtawag sa kanya ni Dominic Roque.
Hirit ni Enchong, "Tawa na lang tayo. Gusto mo 'to, di ba?!"
Nagpahiwatig si Bea na bigla raw siyang ninerbiyos sa laro nila ni Enchong.
Napapangiting saad ni Bea, "Bakit ko 'to ginagawa? Ang init!"
Mapapanood ang kulitan nina Bea at Enchong sa vlog ng aktres na may petsang January 23, 2021.
DOMINIC SHOWS JAPAN VIDEOS OF BEA
Walang direktang kumpirmasyon mula kina Bea at Dominic kung ano ang real score sa pagitan nila.
Pero kapansin-pansin ang mga pahiwatig nila tungkol sa kanilang pagiging malapit sa isa't isa.
Nitong January 27, si Dominic naman ang nag-post sa TikTok ng video clip na magkasama sila ni Bea.
Kuha ang mga iyon noong nagkasama sila sa Japan noon pang 2019.
Mayroon ding mga artsy videos sina Bea at Dominic na kuha sa Team Borderless, isang art installation museum sa Tokyo, Japan.
Naka-tag si Bea pati na rin ang Kapuso couple na sina Gabbi Garcia at Khalil Ramos. Magkabarkada sina Khalil at Dominic.
[instagram:https://ift.tt/3a9smBV]
Kinilig ang followers ni Dominic dahil tingin nila ay bagay na couple sina Dominic at Bea.
DOMINIC ANSWERS NETIZEN LOOKING FOR BEA
Noon namang January 19, nag-post si Dominic ng litrato niyang kuha sa BenCab museum sa Baguio.
Caption ni Dominic, "Picture ko. Caption mo. _______"
Hirit ng netizen, "San na ba si Bea.... ay [heart emoji]"
Sagot naman ni Dominic, "kinukuhaan ako."
Panunukso ulit ng netizen, "YIIIEEE CONFIRMED NA TALAGA."
Matatandaang noong December 2020 ay naiulat na namasyal sa Baguio ang grupo nina Dominic at Bea.
Noong buwan ding iyon ay naiulat ang pag-amin ni Bea na "dating" ang kanyang relationship status.
Hindi man pinangalanan kung sino ang lalaking malapit sa puso niya, marami sa mga sumusubaybay sa aktres ang naniniwalang si Dominic ito.
Inamin naman ni Bea sa kanyang isang vlog na pasok si Dominic sa kategorya niyang puwedeng "dyowain."
Tila pasado naman si Dominic sa ina ni Bea dahil sa sinabi nitong boyfriend material ang binata.
[ArticleReco:{"articles":["156023","155794","156022","156017"], "widget":"Hot Stories"}]
Isa ka bang showbiz fan na laging updated at naghahanap ng latest chika? Share what you know. Join here! https://bit.ly/PEPChika
0 Comments