Bilib si Chief Presidential Legal Counsel Salvador Panelo sa political will umano ni Davao City Mayor Sara Duterte-Carpio kung kaya’t nais niyang tumakbo ito sa pagkapangulo sa 2022.
Ipinahayag ito ni Panelo dahil sa kanyang paniniwala na kailangan magpatuloy ang mga `accomplishment’ ng kasalukuyang administration kaya itinutulak nito ang tandem ng mag-amang Duterte.
“Kaya nga gusto natin ‘tong Mayor Sara na maging presidente kasi ang political will talaga napakahalaga. Meron siya nun e,” pahayag ni Panelo sa kanyang programa sa PTV-4.
“Biro mo, maglalanding `yong ama ni Mayor Sara dahil birthday ng asawa at bibisitahin ang anak, hindi pinayagan kasi ‘May lockdown ako dito, Papa. Hindi puwede,” dagdag pa ni Panelo. (PNA)
The post Panelo hanga sa political will ni Sara first appeared on Abante Tonite.
0 Comments