Sumbungerong sikyo binaril ng kabaro

Patay ang isang security guard na binaril ng kanyang kasama sa trabaho sa San Pablo City, Laguna Miyerkoles ng umaga.

Kinilala ang biktima na si Fernando Maloles, 47, habang ang suspek ay si Ramil Ramos, kapwa security guard ng Montelago Subdivision sa Brgy Sta Elena.

Sa ulat ng San Pablo City police, nangyari ang insidente sa outpost ng kanilang binabantayang subdibisyon. Nagalit umano ang suspek dahil sa palaging pagsusumbong ng biktima sa kanilang superior tungkol sa mga pagkakamali ng una.

Tumakas ang suspek matapos ang pamamaril. (Ronilo Dagos)

The post Sumbungerong sikyo binaril ng kabaro first appeared on Abante Tonite.