Kris proud sa hakot award ni Bimby

Sobrang proud si Kris Aquino dahil sa mga achievement sa pag-aaral ng bunso niyang si Bimby lalo na ang pagiging 1st honor nito sa Grade 7.

Sa Instagram ay ipinakita ni Kris ang mga certificate na nakuha ni Bimby sa iba’t ibang larangan.

Ang mga natanggap ni Bimby ay certificate para sa pagiging “1st honor in Grade 7”, “Excellence in Music and Arts”, “Excellence in Values Education”, “Excellence in Computer”, “Excellence in Livelihood Education” at “Excellence in Physical Education”.

Tumanggap din si Bimby ng “Courage Award”, na siya raw paborito ni Kris sa mga achievement ng 13-anyos na anak.

Nagbiro naman si Bimby na paborito niya ay ang “Excellence in Computer” certificate.

May medal din si Bimby mula sa Brent International School dahil sa pagiging top honor. (IS)

The post Kris proud sa hakot award ni Bimby first appeared on Abante Tonite.