2 police trainee sibak sa reklamong rape

Hindi pa man pormal na nakakapasok sa or­ganisasyon ay sinibak na ni Philippine National Police (PNP) chief General Guillermo Eleazar ang dalawang police trainee matapos akusahan ang mga ito na nanggahasa sa isang ba­bae sa Rodriguez, Rizal.

Kinilala ang dala­wang suspek na sina AJ Magsino at Jack Mar­quez, parehong police trainee ng Rodriguez Municipal Police Station (MPS), Rizal.

Base sa ulat na na­tanggap ni Eleazar, in­imbitahan umano ni Magsino ang kanyang 23-anyos na babaeng textmate na magkita sila. Humantong sila sa isang motel at doon nagtalik.

Matapos ang pag­tatalik ay nakatulog ang babae habang si Mag­sino naman ay lumabas ng kuwarto at pumalit dito si Marquez. Doon ay kinatalik din ng trainee ang natutulog na biktima subalit nang magising ang huli ay pumalag kaya ginahasa umano ni Marquez.

Nakuha namang makatakas at makapag­sumbong sa awtoridad ng biktima.

“Nakakulong na ang dalawang police trainees na inakusahan ng rape at sa ngayon ay nahaharap sa kasong administratibo at krimi­nal,” sambit ng hepe.

“Ipinag-utos ko na agad alisin sa field training program ang dala­wang police trainees. Seryoso ang bintang laban sa dalawang ito kaya’t inatasan na natin ang Rizal Provincial Po­lice Office na masusing imbestigahan ang kaso.”

“Kung mapatunayang totoo ang ale­gasyon, hindi na natin hahayaan pang mapa­bilang sa hanay ng PNP ang mga ito. Ngayon pa lang ay dapat putulin na ang anumang pag­kakataon ng mga ito na makapasok sa PNP at makapang-abuso pa ng kapangyarihan,” dagdag niya. (Edwin Balasa)

The post 2 police trainee sibak sa reklamong rape first appeared on Abante Tonite.