Inutusan ng korte sa Estados Unidos ang 21 website na pumipirata ng mga palabas ng ABS-CBN Corp. na bayaran ang media entertainment company ng tig $1 milyon o katumbas ng higit P1B.
Pinapalabas ng mga website ang shows ng ABS-CBN ng libre sa Estados Unidos at iba pang mga bansang maraming Pinoy.
Bukod sa $1 milyon damage na babayaran, anim sa mga website ang inutusang magbayad ng $30,000 hanggang $90,000 dahil sa copyright infringement at ang thefilipinochannel.su ay inutusang pang bayaran ang ABS-CBN ng karagdagang $10,000 dahil sa cybersquatting sapagkat ang domain name na ginagamit nito ay halos katulad ng rehistradong trademark ng ABS-CBN.
Kahit hind i matukoy ang pagkakakilanlan ng mga may-ari ng piniratang domain operators, masisingil pa rin sila dahil kasama sa kautusan na kuhanin ang mga kinikita nitong bayad sa advertising na nasakop na ng naunang temporary restraining order.
Inutusan na rin ang mga piniratang site na ibigay ang domain names sa ABS-CBN para hindi na ito magagamit.
Kung hindi sumunod ang mga may hawak ng domain, maaaring iakyat ng ABS-CBN sa controlling registry na uutusan naman itong kunin ang websites at tanggalin ang mga ito.
Sabi ng ABS-CBN, 18 sa mga domain ay natanggal na. (Eileen Mencias)
The post 21 website suka ng P1B sa mga piniratang ABS-CBN show first appeared on Abante Tonite.
0 Comments