Pinutulan ni Terry Rozier at ng Charlotte ng seven-game winning streak ang Golden State sa 76th NBA regular season game sa Spectrum Center sa North Carolina Linggo ng gabi.
Naisahan ni Rozier sa jump ball sa dulo si Draymond Green bago nagbaon ng crucial free throws at naungusan ng Hornets ang Warriors 106-102.
Ikinalat ni Rozier ang lahat ng 20 points niya sa second half nang kumalas ang Charlotte mula sa 57-57 deadlock sa break.
Nagsumite ng 22 points si Miles Bridges, may 21 points, 7 rebounds at 5 assists si LaMelo Ball para sumaampa ang tropa sa 8-7.
“I thought our shot selection was really poor,” ani Warriors coach Steve Kerr sa 38 of 90 field goal shooting ng team, 9 for 39 sa 3s.
Nagsumite ng 24 points at 10 assists si Stephen Curry pero 3 for 13 lang sa labas ng arc, 7 of 22 sa field. Binitbit ng 28 points ni Andrew Wiggins ang 11-2 Warriors. (Vladi Eduarte)
The post Curry, Warriors lagot vs Hornets first appeared on Abante Tonite.
0 Comments