Tiniyak ni Justice Secretary Jesus Crispin Remulla na lilinisin nila ang drug list ng pamahalaan sa ilalim ng administrasyon ni Pangulong Ferdinand Marcos Jr.
Ginawa ni Remulla ang pahayag para tuluyang malinis ang pangalan ng mga taong inilagay sa drug list pero mga inosente.
Sa kasalukuyan, sinabi ni Remulla na masusi nilang binubusisi ang database ng gobyerno sa kampanyan kontra ilegal na droga.
“We are busy collating data and the results of the investigations being conducted about the drug war,” ayon kay Remulla.
“We look at this as part of the intelligence information within the system. If it was properly validated before, then well and good, at least na validate na. Pero meron kasi d’yan na were found to be innocent, kaya walang link. ‘Yun dapat i-clear, mahalaga ma-clear mga taong inosente. ‘Di ba ‘yun naman pinakaproblema natin,” dagdag ni Remulla.
Nalaman na nilapitan na rin umano siya ng ilang indibidwal na inilagay sa Bureau of Immigration travel lookout bulletin orders dahil ang kanilang pangalan ay nasa drug list.
“Siyempre dapat bigyan din hustisya ang mga tao na maligned ang kanilang pangalan, so clear namin ang mga tao na puwede i-clear,” giit ni Remulla. (Juliet de Loza-Cudia)
The post DOJ sasalain mga inosente sa drug list first appeared on Abante Tonite.
0 Comments