Kinulang sa suporta si Jessica Margarett ‘Jema’ Galanza para dehins umubra ang ‘Pinas kontra Vietnam 19-25, 17-25, 29-31 sa pagsisimula ng 7th Asian Volleyball Confederation (AVC) Cup for Women sa Philsports Arena sa Pasig Linggo ng gabi.
Ramdam ang kawalan nina PH team skipper Alyssa Valdez, playmaker Julia Melissa ‘Jia’ De Guzman, middle blocker Risa Sato at coach Sherwin Meneses, mag-isang binuhat ng 25-anyos, 5-7 na outside hitter mula San Pedro City ang Nationals sa kapos na kinayod niyang 13 points.
Nagka-dengue si Valdez, nagkasakit din si Sato, samantalang na-health and safety protocols sina De Guzman at Meneses.
Sunod sa Pinay volleybelles ang three-time defending champion China sa Pool A sa Martes ng alas-7:00 ng gabi sa 9-team, 9-day volleyfest.
Wagi rin ang Japan kontra Thailand 25-18, 25-19, 25-22 para samahan sa maagang pamumuno ang Vietnamese at Chinese na hinakbangan ang South Korea via straight set sa isa pang salpukan. (Gerard Arce)
The post Galanza, ‘Pinas olats first appeared on Abante Tonite.
0 Comments