Absent si leading scorer Jayson Tatum (sore left wrist), nag-deliver ang bench ng Boston para kalusin ang dinayong Toronto 106-104 sa 77th National Basketball Association 2022-23 regular season game Sabado ng gabi sa Scotiabank Arena sa Canada.
Tumipa ng 27 points, 6 assists si Jaylen Brown para pangunahan ang Celtics (35-12).
Mahalaga ang kontribusyon nina reserves (25 pts., 7 3s), Malcolm Brogdon (23 pts.), at Payton Pritchard (12 pts., lahat sa fourth) para ihatid ang Boston sa 9th straight win.
Naka-5 points lang mula 2 of 10 shooting si Al Horford pero may 6 rebounds at 7 assists, nilista niya ang tig-isang rebound, block at steal sa final 20 seconds ng laro.
“The box score doesn’t tell the story about what he does for us,” ani coach Joe Machulla sa kanyang big man. “When he takes it to another level defensively, we’re a different team.”
Humaba pa ang injury list ng Celtics nang abutin ng right ankle sprain si Marcus Smart bago natapos ang first half at hindi na bumalik. Sumalpok ang kaliwang tuhod ni center Robert Williams kay Brown sa opening quarter, nanatili sa laro pero iniupo na sa second half.
Kinapos ang 29 points, 10 assists ni Pascal Siakam at 22 markers ni Gary Trent sa Raptors (20-27). (Vladi Eduarte)
The post Jaylen Brown nagpabibo kontra Toronto Raptors first appeared on Abante Tonite.
0 Comments