Makikipagtulungan ang Philippine Health Insurance Corporation (PhilHealth) sa mga pambansang lider at mga stakeholders upang matupad ang mandato nito na makapamahagi ng health insurance coverage at tiyakin ang abot-kaya, katanggap-tanggap, magagamit at accessible health care services para sa mahigit 100 milyong Pilipino.
Ito ang binanggit ni PhilHealth Acting President at Chief Executive Officer Emmanuel R. Ledesma Jr. noong Lunes kasabay ng papalapit na ika-28 anibersaryo ng nasabing insurance corporation.
“Now, more than ever, we must do everything we can to ensure that every Filipino can be secure in the knowledge that PhilHealth is working for their benefit,” sabi ni Ledesma.
“This means working closely with our nation’s leaders and our stakeholders to improve our services and systems so we are in a better position to help our countrymen,” dagdag pa ni Ledesma.
Ayon kay Ledesma, malugod niyang tinanggap ang panukala ng mga mambabatas na kamakailan lamang ay humimok sa PhilHealth na unahin ang kanilang anti-corruption efforts, information dissemination programs, at mga hakbangin para matulungan ang mga overseas Filipino workers.
Tuwing Pebrero 14 ay ginugunita ng PhilHealth ang anibersaryo ng pagkakalikha nito noong 1995. Itinatag ang PhilHealth sa pagpasa ng Republic Act 7875, o kilala bilang National Health Insurance Act of 1995.
The post PhilHealth, mga stakeholder sanib-puwersa para sa mas malawak na serbisyo first appeared on Abante Tonite.
0 Comments