Pinost ni Joross Gamboa ang photo na kasama niya sina Daniel Padilla, Janus del Prado, Jeffrey Tam, at Alden Richards. Obvious na nagbatian sina DJ at Tisoy.
Kuha ito sa wedding nina Director Cathy Garcia at ang cinematographer na si Loue Sampana. So far, wala namang negative feedback ang mga fan nina Daniel at Alden sa larawang magkasama ang dalawa.
Si Alden lang ang Kapuso talent na naimbitahan sa wedding dahil naging close siya kay direk Cathy nang gawin ang pelikulang “Hello, Love Goodbye.” Naging close rin si Alden sa mga nakasama sa movie na sina Jeffrey at Joross, kaya naging reunion ng tatlo ang naturang kasalan .
Beach wedding sa Zambales ang dinaluhan nila , kaya komportable sila sa suot. Ang mga ikinasal lang ang formal dress.
Ang mga guest ay nakapolo, may naka-shorts at naka-tsinelas . Sa larawan nina Alden, Jeffrey at Joross, nakapaa si Alden.
Speaking of Alden, nasa Singapore sila ni Julia Montes ngayon para sa shooting ng pelikula nilang “Five Break-Ups and a Romance.” Parang silang dalawa lang sa cast ang magsu-shooting sa Singapore dahil sila lang ang nakita sa litrato.
Si Irene Villamor ang director ng “Five Break-Ups and a Romance” na collab ng GMA Pictures, Cornerstone Entertainment at Myriad Corporation na pag-aari ni Alden. First movie collab ito ni Alden at siguradong masusundan pa.
The post Alden, Daniel nagbatian sa kasal ni Direk Cathy first appeared on Abante Tonite.
0 Comments