Michaelo Buddin, National U sasakmalin ang Far Eastern

Mga laro ngayon

(Paco Arena-Manila)

10 am -Perpetual Help vs EAC (men’s)

12 nn. – NU vs FEU (men’s)

2 pm – UE vs Enderun (women’s)

4 pm – FEU vs Mapua (women’s)

Makaraan ang matagumpay na Premier Volleyball League Invitational Conference, collegiate volley naman ang papagitna simula ngayon (Agosto 16) sa pagdepensa ng National University ng titulo kontra sa karibal na UAAP Far Eastern U sa men’s side ng 2nd V-League Collegiate Championship 2023 sa Paco Arena sa Manila.

Patok ang Bulldogs na ipaparada ang blue-chip recruit at reigning Spikers’ Turf Best Outside Spiker Jade Disquitado sa pakikipagbuno sa Tamaraws sa alas- 12:00 ng tanghali sa torneong inoorganisa ng Sports Vision Mangement Group, Inc.

Suportado ang kaganapan ng Bola.TV, Beyond Active Wear, ASICS at Mikasa. Mapapanood ang mga laban sa official V-League Facebook page at sa Bola.TV.

Kahit wala na sina seniors Nico Almendras at Joshua Retamar ngayong conference, astig pa rin ang defending champions dahil kina Buddin na siya ring Best Outside Spiker ng 2022 tournament, Kennry Malinis, Obed Mukaba at Mac Bandola na gigiya sa bangis kasama si Disquitado.

Magsasagupa rin ang reigning NCAA champion University of Perpetual Help DALTA-Emilio Aguinaldo College sa ala-10:00 ng umaga.

At sa women’s division ang UE Lady Red Warriors-NAASCU champion Enderun Colleges sa alas-2:00 ng hapon at FEU Lady Tamaraws-Mapua Lady cardinals sa alas-4:00 ng hapon. (Ramil Cruz)

The post Michaelo Buddin, National U sasakmalin ang Far Eastern first appeared on Abante Tonite.