CHED, TESDA, DOLE bet mga foreigner may-ari ng iskul

Nagpahayag ang Commission on Higher Education (CHED), Technical Education and Skills Development Authority (TESDA) at Department of Labor and Employment (DOLE) ng kanilang suporta sa pagbubukas ng mga higher education institutions (HEI) sa mga foreign investor.

Inihayag ng tatlong ahensiya ang kanilang posisyon sa ikaapat na pagdinig ng Senate subcommittee on Resolution of Both Houses No. 6 (RBH 6) para amiyendahan ang ilang probisyon ng 1987 Constitution partikular sa public services, educational institutions at advertising.

Nakasentro ang pagdinig ng subcommittee na pinamumunuan ni Senador Sonny Angara sa panukalang payagan ang foreign ownership sa mga kolehiyo at unibersidad.

Samantala, muling nanindigan si Angara sa kanyang posisyon na hindi bukas sa mga foreign investor ang basic education ng bansa.

“You can rest assured we will not open up basic education. That was touched on by several resource persons. Maraming nagsabi last week na hindi nga dapat buksan,” sabi ni Angara. (Dindo Matining)

The post CHED, TESDA, DOLE bet mga foreigner may-ari ng iskul first appeared on Abante Tonite.