Nabawasan man, mas malaki pa rin umano ang budget ng tanggapan ni Vice President Sara Duterte kumpara sa budget na ibinigay ng administrasyong Duterte sa kanyang pinalitan na si Leni Robredo.
Ayon kay Senior Deputy Speaker at Pampanga Rep. Aurelio Gonzales, Jr. sa pagbuo ng panukalang 2025 budget ay ipinaalala ni Speaker Ferdinand Martin Romualdez sa kanyang mga kapwa kongresista ang kahalagahan na magampanan ng Office of the Vice President (OVP) ang mandato nito.
“The OVP led by VP Duterte will not be crippled despite the decision of the House to reduce her 2025 funding. The Vice President will have sufficient funds to discharge her constitutional duties,” sabi ni Gonzales.
Ayon sa solon, ngayong taon ang OVP ay mayroong P1.874 bilyong pondo at noong 2023 ay mayroon itong P2.344 bilyon. Sa susunod na taon, ang OVP ay pinaglaanan ng P733 milyong budget.
Noong 2017, ang tanggapan ni Robredo ay nakakuha ng P428.6 milyong budget. Noong 2018 ay nakakuha ito ng P543.9 milyon; P663.4 milyon noong 2019; P699.9 milyon noong 2020; P900 milyon noong 2021, at P702 noong 2022. (Billy Begas)
The post Sara mas malaki budget kaysa kay Leni first appeared on Abante Tonite.
0 Comments