PBBM, Speaker Romualdez nangabog sa approval, trust rating

Nanguna si Pangulong Bongbong Marcos habang pangalawa si House Speaker Martin Romualdez sa mga matataas na opisyal ng bansa, na may pinakamataas na approval at trust rating nitong Setyembre, base sa isang survey.

Base sa Tugon ng Masa Survey ng Octa Research mula September 4-7 ay umiskor si Speaker Romualdez ng 65% approval habang 67% naman sa trust rating.

Nanguna pa rin si Pangulong Marcos na may 66% approval at 69% naman sa trust rating.

Pangatlo si Senate President Chiz Escudero na may 62 approval at 61 trust rating.

Ang dating pangalawa naman sa puwesto sa approval at trust ratings na si Vice President Sara Duterte, ay laglag na sa ikaapat na pwesto.

Nabatid na nakakuha lamang si VP Sara ng 52 % na approval at 57% na trust rating.

Si Supreme Court Chief Justice Alexander Gesmundo naman ay nakakuha ng approval rating na 14% habang 15% naman ang trust rating nito.

Tingin ng ilang political analysts, may kinalaman ang pagbagsak ng rating ni VP Sara sa mga kontrobersiya na kinasasangkutan niya tulad ng hindi maipaliwanag na paggasta ng kanyang confidential at intelligence fund.

The post PBBM, Speaker Romualdez nangabog sa approval, trust rating first appeared on Abante Tonite.