Dedo ang isang binata nang tumama sa gutter at bumaliktad ang minamaneho nitong motorsiklo sa Brgy. Ayuti, Lucban, Quezon nitong Miyerkoles ng umaga.
Kinilala ang biktima na si Peejay De Veluz, 18-anyos, residente ng Barangay Tiawe.
Ayon sa report ng Lucban police, mag-aalas-8:00 ng umaga nang mangyari ang aksidente sa kurbadang daan nang mawalan ng kontrol sa manibela ang biktima.
Sumalpok ang motorsiklo sa gutter kaya tumilapon ang binata at bumagsak sa palayan sa gilid ng kalsada.
Nagtamo ito ng mga grabeng pinsala na agad nitong ikinasawi.
Napag-alaman ng mga imbestigador na galing ang biktima sa halos magdamag na pakikipag-inuman sa mga kaibigan nang maganap ang sakuna. (Ronilo Dagos)
The post Binata nakainom na nagmotor, dedbol first appeared on Abante Tonite.
0 Comments