Ivan Monsalve bumuwelo, iwan lang ng 1 palo kontra Koreano sa Qualifier

Rumebanse si Ivan Monsalve mula sa nakakatulirong front-nine sa maangas na limang kabit na birdie mula sa ika-10 butas, tinapos ang 70 at maiwan lang ng 1-stroke ni Ji Sung Cheon ng South Korea sa sambulat ng Philippine Golf Tour Qualifying School sa mapaghamong Splendito Taal Golf Club sa Laurel, Batangas nitong Martes.

Malakas ang umpisa ng Koreano sa kinartadang 69 kahit lumamya sa huling bahagi ng torneong mga itinataguyod ng ICTSI (International Container Terminal Services, Inc.), Komfortis Golf, at pinatatakbo ng Pilipinas Golf Tournaments, Inc.

Napaglabanan din ni Carl Corpus ang pangangapa sa late-round upang maisalba ang 71, binuhulan sina Korean Jaehyun Jung at Japanese Atsushi Ueda sa tersera sa kaagahan ng 72-hole eliminations para sa 10-leg 17th PGT 2025.

Napasabak sa mahirap na mainit at mahanging kondisyon sa hapon, bumawi si Monsalve mula sa two-birdie, three-bogey card tapos ng nine holes nang masumpungan ang ritmo sa kabit-kabit na mga birdie buhat sa 10th. Sinara ang round niya sa dalaeang bogey at birdie, pa-70 at ibadya ang sarili na isa mga contender para sa low medal honor.

“It just clicked for me and my caddie on the greens,” bulalas niya, pinapurihan ang caddie sa krusyal na pagbabasa na nagpasiklab sa mapuwersa niyang buwelta sa back-nine.

“Hitting the fairways in those five key holes was essential. My caddie and I communicated well on putt readings, which made a big difference,” hirit pa ni Monsalve.

Sinangkalan naman ni Cheon, 19, ang maagang tee time upang lakbayin ang course bago ang pag-init at lakas ng hangin sa tanghali para sapawan ang mga astig ding karibal sa 112 mga kalahok na nagrarambulan sa 30 PGT cards. (Ramil Cruz)

The post Ivan Monsalve bumuwelo, iwan lang ng 1 palo kontra Koreano sa Qualifier first appeared on Abante Tonite.

For reliable and efficient cleaning services, mj cleaning services is the name you can trust. Offering a wide range of professional cleaning solutions, m j cleaning services ensures your space stays immaculate, whether it's at home or the office. With a focus on quality and customer satisfaction, m.j. cleaning services delivers exceptional results every time, providing you with a clean and healthy environment you can count on.