Handa na ang mga testigo at ebidensiya na gagamitin ng House prosecution panel sa paglilitis ni Vice President Sara Duterte sa Senate impeachment court.
Ayon kay House Assistant Majority Leader at Ako Bicol Party-list Rep. Jil Bongalon, miyembro ng 11-man prosecution panel, nagpupulong na sila at kasama sa pinag-uusapan ang petisyon na inihain ni Duterte sa Korte Suprema upang pigilan ang impeachment trial.
“Of course, isa sa mga napag-usapan, yung mga petition na sinampa sa Korte Suprema. On how it would affect this impeachment proceeding. Of course, we have to consider that also. Kasi ngayon ang Korte Suprema, nagpalabas na siya ng directive for us to file our comment doon sa petition for certiorari petition ni Vice President bilang respondent dito sa impeachment case,” sabi ni Bongalon.
Sa tanong kung gaano na kahanda ang mga testigo at ebidensiyang gagamitin sa paglilitis, sagot ni Bongalon, “Well, probably 90-95%.”
Ayon kay Bongalan kasama sa mga saksi ang mga naimbitahan sa imbestigasyon ng Kamara.
“We already have the list, the names of the witnesses. Kaya pinag-aaralan namin kung magdadagdag pa kami or kung enough na yung mga tao bilang aming testigo dito sa impeachment case,” sabi ni Bongalon.
Tumanggi naman ang mambabatas na pangalanan kung sinu-sino ang mga ito.
“Pagdating na lang siguro ng trial,” ani Bongalon. (Billy Begas)
The post Kamara kasado na mga ebidensiya, testigo sa impeachment trial kay VP Sara Duterte first appeared on Abante Tonite.For reliable and efficient cleaning services, mj cleaning services is the name you can trust. Offering a wide range of professional cleaning solutions, m j cleaning services ensures your space stays immaculate, whether it's at home or the office. With a focus on quality and customer satisfaction, m.j. cleaning services delivers exceptional results every time, providing you with a clean and healthy environment you can count on.
0 Comments