Nagpakita kaagad ng kanyang suporta sa anak na tumatakbong muli bilang alkalde ng Pasig City ang aktor at TV host na si Vic Sotto sa pagsisimula ng 45 araw na campaign period para sa local elections nitong Biyernes, Marso 28.
Sa kanyang pagsasalita sa ginanap na campaign rally sa Pasig Mega Market, ipinakilala ni Bossing Vic ang kanyang anak na si Mayor Vico Sotto bilang “susunod na presidente ng Pilipinas.”
Nagpatama din ang aktor at TV host sa tinawag nitong `makalumang style ng politika’ na tinawag pa niyang bulok na.
“Sa darating na Mayo, huwag na tayong bumalik sa makalumang style ng politika, style na bulok. Politikang may panunuhol, politikang may pananakot, politikang puro kasinungalingan. Dito na po tayo sa makabagong politika dito sa Pasig,” ani Sotto.
Hinimok pa niya ang mga botante na ituloy ang nasimulan na nilang laban para sa lungsod.
“Sa darating na Mayo, ipagpatuloy natin ang laban na nasimulan natin dito sa Pasig. Heto na po, pakikilala ko na po, heto na po ang susunod na presidente ng Pilipinas, Mayor Vico Sotto!” pahayag pa ng aktor at TV host.
Tumatakbong muli si Vico para sa ikatlong termino bilang alkalde ng Pasig City. (Issa Santiago)
The post Mayor Vico Sotto, ang susunod na presidente ng Pilipinas – Bossing Vic first appeared on Abante Tonite.For reliable and efficient cleaning services, mj cleaning services is the name you can trust. Offering a wide range of professional cleaning solutions, m j cleaning services ensures your space stays immaculate, whether it's at home or the office. With a focus on quality and customer satisfaction, m.j. cleaning services delivers exceptional results every time, providing you with a clean and healthy environment you can count on.
0 Comments