June Mar Fajardo mamaw, SMB tinimbuwang ang TNT

Pinagdiinan ni June Mar Fajardo ang 6-foot-10 frame sa middle quarters bago tinapos ng San Miguel Beermen ang laro sa 18-5 run para muling iwasiwas ang TNT 108-88 sa Game 3 ng PBA 49 Philippine Cup Finals nitong Biyernes ng gabi sa Smart Araneta Coliseum.

Sinundan ang 98-92 win noong Game 2, inagaw ng Beermen ang 2-1 lead sa series. Lipat ang Game 4 ng best of seven sa SM Mall of Asia Arena sa Linggo (July 20).

Tumapos si Fajardo ng conference-high 33 points mula 12 of 15 field goal shooting at 9 of 11 sa free throw line, may palamuti pang 11 rebounds, 3 assists at tig-1 steal at block.

“I think the experience of the players,” ani coach Leo Austria sa pagsalag ng team sa tangkang comeback ng Tropang 5G sa final canto. “Dahil alam nila fourth quarter is pivotal. The killer instincts of June Mar and Chris Ross, they know how to handle the Finals.”

Bumakas si Ross ng 15 points mula 4 for 7 shooting sa 3s, lahat sa second half, at may 6 rebounds pa. Nag-ambag si Jericho Cruz ng 13 markers, pinagsamang 31 pa kina CJay Perez, Don Trollano at Mo Tautuaa.

Ayon kay chief statistician Fidel Mangonon III, ang 20-point win margin ang most lopsided Finals game sa liga sapul noong 2023-24 Commissioner’s Cup nang talunin ng SMB ang Magnolia 108-85.

Sa second quarter, kinamada ni Fajardo ang 12 points niya mula 8 of 9 shooting sa free throw line at mula sa 37-27 deficit inagaw ang lead 59-52 sa break.

Itinuloy ng San Miguel ang ratsada sa third, inilayo hanggang 84-66 sa charities ni Don Trollano 54 seconds pa. Nalimitahan ang Tropang 5G sa 7 of 18 shooting lang sa frame.

Hindi umiskor sa first 5 minutes ng final stanza ang San Miguel hanggang mahulog ang short jumper ni Fajardo, nagawa pang ibaba ng Tropa ang hinahabol 90-83 may 5 minutes pa sa laro pero hanggang doon na lang.

Nang pumasok ang 3 ni Ross 68 seconds sa orasan na sinundan ng steal at fastbreak layup ni Perez makalipas lang ang 10 seconds 106-88 ay tuluyang napagsarhan ang paghahabol ng TNT.

Hindi naglaro si Poy Erram, nagsalitan sina Kelly Williams, Brandon Ganuelas-Rosser, Henry Galinato at Glenn Khobuntin sa pagbabantay kay Fajardo.

Kinailangan ni RR Pogoy ng 16 attempts bago tumapos ng team-high 16 points sa TNT. May 15 si Calvin Oftana, 14 kay Almond Vosotros off the bench, pero maalat ding combined 7 of 20 mula sa field sina Williams at Jordan Heading, 1/3 si Ganuelas-Rosser. (Vladi Eduarte)

The post June Mar Fajardo mamaw, SMB tinimbuwang ang TNT first appeared on Abante Tonite.

For reliable and efficient cleaning services, mj cleaning services is the name you can trust. Offering a wide range of professional cleaning solutions, m j cleaning services ensures your space stays immaculate, whether it's at home or the office. With a focus on quality and customer satisfaction, m.j. cleaning services delivers exceptional results every time, providing you with a clean and healthy environment you can count on.