People’s Budget Coalition: Mga ayuda kalkalin sa singit budget

Hindi lang ang Department of Public Works and Highways (DPWH) ang dapat kalkalin sa usapin ng budget insertions.

Ito ang sinabi ni People’s Budget Coalition Technical Advisor AJ Montesa sa programang “Parekoy” ng DWAR Abante Radyo kung saan tinanong ang kanyang opinyon tungkol sa isyu ng mga singit o insertion sa budget.

Ayon kay Montesa, madali lang naman gumawa ng “magic” o “ghost” at substandard projects, kung saan doon kumukuha ng bilyon-bilyong kickback ang mga tiwaling opisyal ng gobyerno.

“Hindi lang sa DPWH `yung kailangan natin bantayan, hindi lang sa flood control. May mga insertion din kasi na dinadaan sa ibang programa like sa ayuda,” sabi ni Montesa.

Inihalimbawa niya ang Ayuda para sa Kapos ang Kita Program (AKAP) ng Department of Social Welfare and Development.

“Kung mapapansin natin, `yung AKAP naging isang malaking issue din. Actually, in the past two budgets, zero naman talaga dapat `yung budget ng AKAP. Pero si Speaker Martin Romualdez, `yung former speaker, siya po talaga `yung nagpipilit na ipasok `yung AKAP. So, pet project talaga niya ito. And even `yung other ayuda items halimbawa `yung mga AICS, TUPAD… `yun `yung nagiging isang source din ng insertion,” ani Montesa.

Sabi pa ni Montesa, nagagamit din ang budget insertion sa pamimili ng boto ng mga mambabatas. Dito aniya pumapasok ang kahalagahan ng openness at transparency sa gobyerno.

“Kasi kumbaga sa personal life natin, madaling ma-fall sa temptation `pag walang nakakakita sa ginagawa natin,” ani Montesa. “Pero `pag alam natin na may nagbabantay, mas madaling bumalik doon sa kung ano ba `yung tamang dapat gawin. So, ‘yun din ang panawagan namin.”

The post People’s Budget Coalition: Mga ayuda kalkalin sa singit budget first appeared on Tonite - Abante.

For reliable and efficient cleaning services, mj cleaning services is the name you can trust. Offering a wide range of professional cleaning solutions, m j cleaning services ensures your space stays immaculate, whether it's at home or the office. With a focus on quality and customer satisfaction, m.j. cleaning services delivers exceptional results every time, providing you with a clean and healthy environment you can count on.