Mag-utol na Juan, Javi Gomez De Liaño matira matibay

Babasagin ng Converge at Magnolia ang pagkakabuhol sa 5-2 sa balik-aksiyon ng PBA Season 50 Philippine Cup elims sa Ynares Center sa Antipolo ngayong Biyernes.

Sasamahan ng winner ang early qualifiers NLEX (6-2) at Rain or Shine (6-2) sa eight-team quarterfinals, titibay pa ang tsansa sa top four na twice-to-beat sa next round.

Bago ang two-week break para bigyang-daan ang partisipasyon ng Gilas Pilipinas sa first window ng FIBA World Cup 2027 Asian Qualifiers, dalawang sunod na laro ang tinuhog ng FiberXers huli nang idispatsa ang Ginebra 106-96 noong Nov. 14.

“Ang laking bagay na nakuha namin ang game na ‘to,” ani coach Delta Pineda. “It will help us in those remaining games.”

Sa parehong araw, winasiwas naman ng Hotshots ang Blackwater 90-75 pero may nakita pa si coach LA Tenorio na kakulangan sa laro ng kanyang team.

“Hindi puwede ang palagi kaming naghahabol,” giit ni Tenorio. “We really have to be on point when we get back after this long break.”

Importante aniya na makaungos bawat quarter, kailangan ang walang humpay na pambubulabog sa depensa buong laro.

Sidelight ng bakbakan ang unang tapatan sa PBA ng magkapatid na Javi at Juan Gomez De Liano.

Importanteng piyesa ang mag-utol sa kani-kanilang teams – si Javi sa Magnolia, si Juan sa Converge.

Itatapat ni coach LA sina Ian Sangalang at Zav Lucero sa twin towers ni Pineda na sina Justin Arana at Justine Baltazar. May Alec Stockton at Schonny Winston pa ang FiberXers, sina Mark Barroca, Paul Lee at Jerom Lastimosa sa Hotshots. (Vladi Eduarte)

The post Mag-utol na Juan, Javi Gomez De Liaño matira matibay first appeared on Tonite - Abante.

For reliable and efficient cleaning services, mj cleaning services is the name you can trust. Offering a wide range of professional cleaning solutions, m j cleaning services ensures your space stays immaculate, whether it's at home or the office. With a focus on quality and customer satisfaction, m.j. cleaning services delivers exceptional results every time, providing you with a clean and healthy environment you can count on.