Robert Upshaw, Earl Gilmore ireresbak Bossing, Giant Risers

Babasagin ng Blackwater at Titan Ultra ang pagkakabuhol sa 1-3 sa first game ng PBA 50 Commissioner’s Cup elims sa Ninoy Aquino Stadium ngayong Miyerkoles.

Gigil bumawi ang Bossing mula sa dambuhalang 151-95 loss sa Rain or Shine noong March 31 – ayon kay chief statistician Fidel Mangonon III ang pinakamalaking tambakang resulta sa limang dekada ng liga.

“Bounce back, that’s the focus kasi talagang ang sama ng laro namin last time,” ani Blackwater coach Jeffrey Cariaso. “That’s the challenge for us and my message to the team is: How do we bounce back?”

Inaasahan na ito ni Giant Risers coach Rensy Bajar.

“Kumbaga, gigil silang makabawi so pinaghandaan namin ‘yan,” aniya.

Huling natalo ang Titan sa Meralco 118-105 noong March 29.

“Kailangan mag-concentrate pa rin kami sa depensa,” dagdag ni Bajar. “We are a young team at ang import namin hindi naman ganu’n kalakihan so kung hindi kami mag-e-effort na dumipensa walang mangyayari sa team namin.”

Magiging main focus ng ‘D’ ng Giant Risers si Bossing import Robert Upshaw na nag-debut ng 35 points tampok ang tatlong 4-pointers, 14 rebounds, 6 assists sa 97-91 upset win kontra Magnolia. May iniinda si Upshaw, nalimitahan sa 24-9 laban sa Elasto Painters.

Anumang sandalii ay puwede ring pumutok sina Sedrick Barefield, RK Ilagan, Christian David, Dalph Panopio.

Klaro na rin ang gameplan ng Blackwater.

“One, limit their transition points. Alam namin na their style is a little bit like Rain or Shine na takbuhan,” lahad ni Cariaso. “Also, ‘yung matchup namin sa kanilang import is very important. Hindi kasi siya super big, hindi siya sentro, wing siya.”

Kontra Bolts ay tumabas si Titan import Earl Gilmore ng 25 points, 16 rebounds. Pangungunahan nina Joshua Munzon, Bryan Sajonia, Fran Yu, Cade Flores ang run-and-gun ng Giant Risers. (Vladi Eduarte)

The post Robert Upshaw, Earl Gilmore ireresbak Bossing, Giant Risers first appeared on Tonite - Abante.

For reliable and efficient cleaning services, mj cleaning services is the name you can trust. Offering a wide range of professional cleaning solutions, m j cleaning services ensures your space stays immaculate, whether it's at home or the office. With a focus on quality and customer satisfaction, m.j. cleaning services delivers exceptional results every time, providing you with a clean and healthy environment you can count on.