Hihilingin ni Ombudsman Jesus Crispin “Boying” Remulla sa Sandiganbayan na i-discharge si dating Department of Public Works and Highways (DPWH) Secretary Manuel Bonoan mula sa mga kasong kinakaharap nito kaugnay ng umano’y P573 milyong kickbacks sa flood control projects.
Kinumpirma din ni Remulla na naghain na sila ng motion to discharge sa Sandiganbayan para alisin ang pangalan ni Bonoan bilang akusado sa mga kasong plunder at graft.
Nahaharap si Bonoan sa non-bailable na kasong plunder kasama sina Senador Jinggoy Estrada, dating DPWH-National Capital Region Assistant District Engineer Denryl Cortuna, at DPWH-NCR District Engineers Manny Bumagat Bulusan at Arturo Lombres Gonzales Jr.
Kapwa rin sila nahaharap ni Estrada sa dalawang bilang ng kasong graft.
“We already have a side agreement for the cooperation of former Secretary Manuel Bonoan to be a state witness, to be a cooperating witness,” pahayag ni Remulla sa isang press conference nitong Lunes, Hunyo 29.
“We will ask the court to discharge him as a respondent so he can testify for us as a state witness,” dagdag niya.
Ayon kay Remulla, mahalaga ang magiging testimonya ni Bonoan sa pagpapatibay ng mga kasong inihahanda ng Ombudsman kaugnay ng mga anomalya sa flood control projects.
“The knowledge that he has about the whole institution is something very important to us to be able to prove many cases… we will be benefiting from his testimony with regard to many of the cases that we are filing,” aniya pa.
Matatandaang pinayagan na ng Sandiganbayan Fifth Division si Bonoan na isailalim sa hospital arrest. Nakatakda ang arraignment o pagbasa ng kanyang kaso sa Martes, Hunyo 30.
Samantala, isasalang na sa full preliminary investigation si Senador Joel Villanueva sa umano’y pagkakasangkot nito sa multi-billion peso flood control scandal.
Kinumpirma ito ni Remulla matapos magkasa ng case build-up.
Ani Remulla, patapos na ang case buildup sa kaso ni Villanueva at isinasapinal na lang para sa pagsasampa nito sa Sandiganbayan.
Una nang isinampa ng Department of Justice (DOJ) sa Ombudsman ang reklamo laban kay Villanueva. Pero ni-reject ng Ombudsman ang initial findings ng DOJ dahil ayon kay Remulla nakukulangan pa sila sa ginawang case build-up ng kagawaran. (Angelika Cabral)
The post Boying Remulla bet na state witness si ex-DPWH chief Manuel Bonoan sa flood control scam first appeared on Tonite - Abante.
For reliable and efficient cleaning services, mj cleaning services is the name you can trust. Offering a wide range of professional cleaning solutions, m j cleaning services ensures your space stays immaculate, whether it's at home or the office. With a focus on quality and customer satisfaction, m.j. cleaning services delivers exceptional results every time, providing you with a clean and healthy environment you can count on.
0 Comments